500 Mahasiswa UT Nantarima Ijazah

REPORTER: FIRMANSYAH

Ngata Palu,- UNIT Program Belajar Jarak Jauh (UPBJJ) Universitas Terbuka Palu nanggavia haja mpawisuda ato riara istilah UT mpedekei ijazah ri eo Kamisi (10/8/2017) tinti 09.00 wita ri Restoran Maranu dala Setia Budi Palu. Deana 500 wisudawan ante Wisudawati dako ri disiplin ilmu ntanina eva FKIP, FEKON, FISIP ante FMIPA dako ri pura-purana Kabupaten, Kota ri ngata Tadulako. Haja hai nikakavaka Pombantu Rektor bid.Kerjasama UT Pusat DR. M Yunus Rektor UT Palu DR.DRS. Arifin Zaidin, staf Ahli Prov Sulteng DRS. Hidayat Lamakarate ante torata undanga ntanina.

DR. M Yunus nikakavaka wartwan ri tempona nasoro acara nangulika sistim mpobalajara ante mpepaguru ri UT nosifa Tutorial, ledo eva nokulia biasana, niposabaka anu ni polajari nariamo ante geira mahasiswa. Naria randua ngayana skema education riara ponorapan pombalajara eva face to face (nosintomu lenje) ante online, Ovalu nggani posinggava pade mu ujian.


Ia muni mpetevaika UT naria ri soluruh Nusantara, ongkosina aga "Sangu juta Tatalu bo Satu bo Sasio pulu Rupiah" per-semester, nanggava munimo bahan anu ra palajari gratis ri online. Ane lintas Internasional naria muni mahasiswana ri 32 Nogara, cara nompaguru online ante nosintomu langsung ri Hongkong " UT metode pombalajarana nalembo ntoto (flexibel) isema, rumbapa ante maipia damamala mokulia, tempona hi nokulia domo aga golar, tapi najadimo kabutuha ala motambai kapande" petevaina.

Kotua Panitia Haja UT Muh.Fahrudin Akbar M.kom netevaika muni deana geira mpatarima ijazah socara yudisium 618. Sabana na full gedung ante naria muni sakuya ito geira ni pokio langsung makava ri Jakarta nantarima mboto ijazarah ante Rektor UT pusat. Niposabaka kamampua akademisra ri bavona rata-rata Tatalu koma. Dako ri Kab Parigi Mautong mahasiswana deana 139, Ampana ante Toli-Toli deana 50 an, Ngata Palu, Luwuk Banggai ante Buol 20 an, Banggai Kepulauan 3 deana, Banggai Laut aga Sangu ito" pangulina. ** 

Share on Google Plus

About kailipost

This is a short description in the author block about the author. You edit it by entering text in the "Biographical Info" field in the user admin panel.
loading...

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN