Mompekutanaka Izin Kabel Telkom Notutui Nganga

REPORTER: FIRMANSYAH

Ngata Palu,- NIKAIKA kareba nu sala sangu koran ri ngata Palu eo Sabtu (12/8/2017) masala nu pokarja Drainase anu nikarja PU Bina Marga Sulteng ri dala Touwa eo Kamisi naliu, niposabakanamo nabotu kabel fiber optik internet indiehome ante telepon Telkom. Kaupuna nompaka bonto jaringan ri eo hai, Kadis PU Bina Marga Sulteng Syaifullah Djafar nangulika ledo urusa kami kabel naputu hai, urusa geira Telkom, apa geira ledo ria nerapi izin nompataka kabel hai, pade ledo raizinkan kami mompataka riambe nudala privinsi. Wakele PT.Telkom Sulteng Saaran nipekutanaka masala hai ri kantorona jl. Juanda Palu, nompilisi mpatutui nganga. 

Anu hi nakajadia ri eo Senin (14/8/2017) tinti 09.20 wita ritempona media hi nakava ri kantorora. Ri padondona hai kuli tinta nocoba mompekutanaka manegement Telkomsel masala anu izin mompataka kabel ri dala Touwa Palu anu ledo natantu hukumna hai. Ri tempona hau mpatomunaka Receptionis kantoro ante naupumo nangulika sanga ante pokarjaa ka security ledo nadota sangana ra suaraka ri koraa mpa kontek Sarun ante telepo kabel ri ruangana, tapi ledo nianggataka.

Naupu hai ia (security) hau nompene ri lante Randua kantoro mpatomunaka wakele pimpinan nangulika naria wartawan makava mojarika masalah hie. napangamo netonggoraka kira-kira Randua mpulu menit pade nakava ia nangulika "pak sarun ledo naria ri ruangana, apa dako no cuti sakuya ei hi, ri tanggala 21 pade ia mokantoro, ane nu pimpinan dako-dako nesuvu daerah, dako pangane padondo niantataraku hau ri bandara le" pangulina. Naupu nangulika hai, niulina muni "nariapa anu rabantu vaimo pak?" pangulina nompamie. ** 

Share on Google Plus

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN