NOTUDA POHON RI NGATA PALU NAKAPURACA

REPORTER: FIRMANSYAH

Ngata Palu,- SALA SANGU Program Wali Kota Hidayat ri ngata Kaledo ala manggavia ngatata majadi tujua Destinasi Wisata ante cara nompaka belo pombanguna nte ponghijaun riara ngata Palu hi ra anggataka ka kotumpu nu pale. Anu hie majadika ngata Palu danggauluna nasoa majadi mamomi. 

Tapi anu hai ra duku muni ante pokarja mabelo dako ri OPD mpanggavia program, eva nakajadia ri dala Emy Saelan, Monginsidi ante Basuki Rahmat. Ri dala hai nituda pohon polindung ane rakita dako ri struktur nte protap potudana eva ledo nasimbayu ante raharapkan. Berimba bo ledo, eva ri ngayo Mal Tatura Palu (MTP), pohon hai nituda pas ri bavo nu trotoar dala, ledo ria anu nomparoku pohon hai, eva rakaviaka jumuna ala ledo ra taja pale nakakata topo liu.

Dinas Lingkungan Hidup (DLH) ato nggauluna nosangaka Dinas Kebersihan Kota Palu mpatangani proyek hai. Kabid Pengelolaan Ruang Terbuka Hijau Moh.Natsir Mangge.S.Hut nikakavaka wartawan ri eo Araba (16/8/2017) tinti 14.45 Wita ri ruangana nangulika struktur notudana nasosuaimo ante protap, pohon nitana hai dako ri jenis Mahoni ante Ketapang, mami anu hie sala sangu program Wali Kota ala majadika nta Palu manyama. 

Niulina muni naria kira-kira 400 pohon nituda ri Tatalu titik, eva ri dala Emy Saelan, Monginsidi ante Basuki Rahmat,’’ anu ka porawatana kami nokoordinasi muni ante geira pihak katataluna ato porusahaan notanganina, ‘’Domo nitoraku sanga porusahaan hai le, damo mosintomu ante Kabid PPTK, ia nanggisanina" pangulina nalusu. **

Share on Google Plus
close
 LAYANAN PEMASANGAN IKLAN