Tobibo Danakapopa Nangande Ribanua Tona Nipangangga

REPORTER: FIRMANSYAH

Ngata Palu,- TOPANGANGGA Ante tope bongkara banua nakajadia vai ri ngata Palu. Kali hi ri sala sangu banua ri dala Anoa lorong Sehati Palu. Kajadiana eo Senin (7/8/2017) kira-kira tinti 03.00 wita. Tupu banua nosangaka i Abdi Tahta Pribumi (22) nokulia ri sala sangu Universitas ri ngata palu. Sangu laptop merk Acer V51 nakodara ante casna, randua hp merk iphone 5 ante Samsung J3 nikeni mpalai. Naupu nangangga da nakapopa nangande riara banua hai. Karugia niperkiraka Rp.9.000.000 (Sasio juta).

Dala nutesana ritempona i Abdi dako nembangu naturu kira-kira tinti Aono padondo, ia natekaja nanggita vamba banua natebukamo, padahal  Tatalu sampesuvuna dopa pura nembangu. Nontambai katekajana nanggita laptop ante Randua hp domo ria ri belana ri ruanga karavaa anu pomboliakana mami.
Cara topangangga negero ase bo kaca nako vamba sala, maupu hai nobuka vamba dako riarana ante nosuaraka pale ri picala nu vamba hai. Sura nu tanda mpatarima lapora ka polisi NO: STVL/588/VIII/2017/Res Palu/Polsek Palsel, Aiptu Iwan inkirawang/Ka Sptk Regu c/III.

Kapolsek Palu Selatan Kompol Marsluki ni tomunaka media hi riara kantorona nopambelaka kajadia topangangga ri dala Anoa lrg.Sehati, "Mami naka naria topangangga ri dala Anoa bobayana, sakarang dako ra kaviaka sura laporana ante dako riara proses panyalidika, ia muni mpetevaika ka todea ala mosambu komunikasi ante salara sinjori banua ante todea ringatana, ala mopaka biko inggu tobibo pura hai " pangulina.**


Share on Google Plus

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
loading...
close
 LAYANAN PEMASANGAN IKLAN