Reporter : Ikhsan Madjido
KAILIPOST.COM,- PALU- EO NGGAPURI Hi wawasan nilai-nilai kebangsaan nompamula mo no lese ri kabilasa ante mahasiswa, tarutama ri ngata ta Kota Palu hi. Itumo hai mompopatora vai nilai hai pengurus Pergerakan Mahasiswa Islam Indonesia (PMII) Cabang Palu eo Selasa, 20/2 pangane manggavia sangu bago nosangaka Dialog Publik ka mahasiswa anu rakavia ri Warkop Ansor ri dala Lasoso Palu Barat. “Bago hi nisaromaka majadi tampa mompopakoroso posampe suvu mahasisa ledo aga dako ri kader PMII,” panguli Katua PMII Cabang Palu, Faisal Asado, eo Sine (19/2).
Panguli Faisal, bago hi notujua mompadekei paha nabelo, apa naponting ntoto nilai kebangsaan ante Pancasila ri ara katuvua ri nagara Indonesia, tarutama ka geira mahasiswa.
“Boitomo itu nakuya mahasiswa nipajadi sasaran mango seaka dialog hi, apa mahasiswa hai gonorasi penerus atau gonorasi pombaharu anu nasipato ntoto mo eo nggapuri hi mopaha belo ka nilai-nilai anu naria riara Pancasila bo UUD 1945,” tesa Faisal.
BACA SELENGKAPNYA DI HARIAN KAILI POST…!
