ALIMA KAPUNA NIKENI RI NGATA NTANINA

Foto/Reporter: Ist/Firmansyah

SAKIDENA Alima kapuna dako ri Sulteng nikeni hau ri suaka marga satwa ri ngata ntanina. Eva randua nisaka ri Towale bo ngata Palu nikenimo Salasa bongina (22/5/2018) hau ri suaka marga satwa  konservasi Pasuruan Jawa Timur. Tatalu ntanina nikenimo ri pusat porlindungan satwa Manado 2017 naliu.

Araba (23/5/2018), Kasubag tata usaha Badan Konservasi Sumber Daya Alam (BKSDA) Sulteng Muliyadi Joyowartono nangulika ledo kapola-pola nidekeika ka ngata ntanina. Tapi ni boli ante nosijaritai ante BKSDA ngata nangala hai ntani ruru. Apa todea ri Sulteng, ledo nadita kapuna hai rabasaka ri libora. Naria ampa libo katuvu nu kapuna ri Sulteng. Eva ri Towale (Donggala), binanggq Tonggolobibi, ri pante timur Bolano ante ngata Palu.

Deana kapuna ri binangga Palu ri tempona hie, kira-kira 21 mba. Dako ri posintomu tasi bo karona sampe jambata II dala Gusti Ngurah Rai. Ane kareba nakanca ka deana kapuna sampe nuatu. I Muliyadi nangulika tantu ledo makaja mangelora. Ato nopatavemo geira ri bivi binangga kandatena tatalu kilo meter pourura. Dako ri pangantoaka tim ri bongina, aka nikava 21 mbana aga.

Ane libo ato mompatuvu kapuna ri Palu (Sulteng) dopa naria. Panguli Muliyadi, anu hai ledo mamala aga raurusi pamarenta. Tapi tona katataluka ato swasta. Apa nadea biaya nipakena. Dako ri potunturaka tona naperna nopatuvu kapuna dako ri Makassar nangulika, ane aga sapulu nipakande danamala ra urusi. Tapi ane nompulumo deana nadeamo doi rapakane. Ri ngata Palu, sebenarna nariamo tona mourusina, tapi sampe eo hie dopa natantu nakana. Apa nadea bago urusa manggavia porsyaratan mopatuvu kapuna hai.
Karja dako ri BKSDA mboto sebenarna mojagai katuvua binata. Ane maria posisala binata ante todea, pade kami nonggave. Batuana ledo ria istilana siaga sangu ri kantoro kami.**


Share on Google Plus

0 komentar:

Post a Comment

close
 LAYANAN PEMASANGAN IKLAN