Nakasara Ka Mombine Nanau

  • Whatsapp
banner 728x90
Gambar : Illustrasi
KAPALA
Dinas Pomberdayaan Perempuan dan Perlindungan Anak (P3A)
Irmayanti Pettalolo nangulika kasus nompaboba mombine ri mpae 2017 nanau najadi
122 kasus. Nadea kasusna nakasara ante mombine. Anu hie  nitevaikana
nasoro nanggeni acara polathan aktifis porlindungan ngana torpadu borbasis
masyarakat (PATBM) Senin (14/5/2018) ri kantorona.

Samantara hai muni. Ri mpae 2016 deana kasus
mpaboba mombine 222. Data hai panguli i Irmayanti niala dako sakuya sumber. Eva
ri polisi. Nomoro hai muni dopa nisani mompene ato manau vai ngena ri mpae hie.
Tapi nanggitana, ledo mompaka luntu kami riara mososialisasi ka todea. Kana
monggave muni manggavia program ri ngayona. ‘’Walaupun ri mpae 2017 kasus
kokorasan mombine bo ngana nanau, anu hai ledo nompaka luntu kami riara
mososialisasi anu hi ka todea. Apa ledo ni sani ngena, ri mpae hie belekana
mompene vai. Jadi moturusina, program najala nju,’’ pangulina.

Akala ato caro riara mompaka nau nakasara ante
mombine bo ngana kodi, Irmayanti notevaika anu hai da nikavia nju. Eva nakava
ri posikola nososialisasika ka geira. Nanggavia polaihan ka aktivis, nosuaraka
ri media cetak bo elekronik, ante cara ntanina. ” Eva haja nikavia kami eo
hie. Riumba nopangajari berimba carana ala totua ante ngana kodi ledo makasara
bo rakasarani,’’ petevaikana.

Ia muni nosarumaka ntoto
ka pamarenta bo todea ala morambanga riara mo urusi anu hie. Ane ledo naria
korjasamana, ledo mabelo bo mapumpu nompakasarni mombine ante ngana kodi ri
ngata Palu. Niposabakanamo hai, Irmayanti nerapika ka geira nambelaka urusa
hie, ala mosi kenisi pale mompaka nau kokorasan ri mpae hi. ‘’Ku perapika muni
ka media cetak bo elektronik naria ri ngata Palu. Ala mamala motevaika urusa
hie ka todea. Ala geira pura mompaha bayangi. Domo manggavia inggu kasara ka
mombine ante ngana kodi,’’ perapina.**

Berita terkait