Nolantik Pramuka Ledo Ria Politikna


Foto: ist/Ilustrasi
Reporter: Firmansyah

 NOLANTIK 64 Kwartir Cabang (Kwarcab) Prajamuda Karana (Pramuka) ngata Palu. Masa pokarjaa 2017 sampe 2022, ledo ria nanggenika politik. Panguli kotua Kwarcab Palu, ante anggota Komisi C DPRD Palu Andi Nanang, Sabtu nggoviana (26/5/2018) ri kampung Kaili.
‘’Tujuna haja hi nikavia ala mompaka tumbu vai dota tona mopramuka, mompangajari kabilasa riara mompaka langa nompesua nogara, ante nompaka belo kainggua. Morambanga ante pamarenta riara mompaka jala visi misi Wali Kota. Pramuka muni natantumo polande hukuna. UU pamarenta nomoro 12 mpae 2010. Dako ri anu hai, kutevaika ka todea, kapala kantoro, bo ntanina, nemo mabata rara mokarjasama ante Pramuka. Apa naria bo natantumo polande hukuna,’’ Nanang.
Ane kagiata Pramuka mboto, Nanang nangulika mbula-mbulana naria bagora. Eva nanggavia golar senja. Noupa cara nggoviana ka gugus ngayona dako ri posikola ngata Palu. Tujuna ala mompaka langa bia riara mobanto nogara. Nompamula dako ri siaga, penggalang, ponogak bo pandega. Urusa nu karjasama ante pamarenta, Nanang muni nangulikamo ka Dispora ante Dikjar. Niposabaka randua kantoro hai, nosikai pura urusana ante Pramuka.
Polantikan hai muni nituntumaka ante Mabicap, eva Wali Kota ante Wawali, Forkopimda, kapala kantoro pemkot. Karjaa dako Kwarcab mboto, Nanang notevaika molaksanaka bo nopeinta kagiata pramuka ri ngata Palu. Ante muni nolantik dewan karjaa. Riumba geira hai totua bayangimo. Riumba karjara nompangajara penegak bo pandega. Ane ri dunia pondidikana SMA ante topo kulia. Haja ringgoviana hai muni nikakavaka i Wakele walikota Sigit Purnomo Said, Asisten I pemkot Mohamad Rifani, kapala kantoro ri pamarenta Palu bo prajamuda karana pura-purana ri tana Kaili.**


Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN