15 Partai Nagol, PKPI Nateanca Ledo Nesua Pileg


Reporter: Firmansyah

DAKO Ri eo panggaupuna pondaftar borkas bacaleg ka parpol ri kantoro KPU Palu, eo Salasa (17/7/2018) sampe tinti sapulu randua bongina, natekarebai Partai Keadilan bo Porsatuan Indonesia (PKPI) nateanca ledo namala notuntumaka pileg ri mpae 2019 ngena. Vesia nitevaika ka kotua pomilihan umum (KPU) Palu, Agusalim Wahid ri ruangana, Araba (18/7/2018).

Panguli i Agus, borkas PKPI ni paresara hai ledo ria natelampiri. Bararti surara rapotingguli vai. Porsaratan ledo niria hai eva formulir B Ka sura poncalonan, modele B1 naisika daftar bacaleg, modele B2 sura pornyataa pimpina partai politik nikaika ka dala proses pompelisi bacaleg scara demokratis, ante modele B3 pakta integritas nompaka maju bacaleg.

Nipekutanaka ruanga ka PKPI riara motuntu urusara ri Panwaslu niposabaka nateanca ledo namala mpatuntumaka pileg ri mpae 2019 ngena. Agus nangulika anu hai damo radekeika ka geira mourusanina. " Kami dopa namala nsngulika PKPI ledo namala mesua ri pileg, anu hai da motonggoraka kaputusa dako ri Panwaslu Palu. Tapi riara urusa hie, KPU naupumo nompaka jala tugasra nasosuai ante PKPU lomoro 20 mpae 2018, " pangakuna.

Agus muni notevaika ka sapulu alima partai politik naupumo nodaftar borkas bacalegra, ala mpu-mpu mompevile vai porsaratan ntanina. Belekana da maria makura. Ala rapaka gana pura sura-surana. Ala mamala ra paka tantu majadi calon posorta pileg ri 2019 ngena.

Ka sapulu alima parpol sanga bacalegra nalolos hai, eva Golkar, PAN, PKB, PKS, PPP, PBB, Gerindra, Demokrat, Nasdem, Perindo, Hanura, Berkarya, PDIP, PSI bo Garuda.**
Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN