DKP Nangande Gaji Buta Ka 26 SMP


reporter: firmansyah

DAKO Ri hasele pisintomu Komisi A DPRD Palu, ante Dikjar riavi. Riumba dako ri Wali kota no rekomondasika Dewan Kesenian Palu (DKP) ala mompaguru soni ri 26 posikola SMP ri Palu. Tapi riara kakanana geura ledo ria nakava. Tapi gajira deana Rp. 500.000 nibayari nju. Notevaika urusa hai, anggota Dekot Ikbal Andi Magga nangulika ala Wali kota mocabu intruksi hai. " Urusa hie natantumo nompaka rugi doi nogara. Gajina nibayari nju mbulana, tapi geira kedo ria nesua, " petevaikana.

Dako ri pangadu sakuya guru nitomunakara, Ikbal nangulika ledo ria mbau sangu topo ngajari dako ri DKP nakava. Tapi mbula-mbulana aga nakava tope tagi nanggeni sura dako ri Wali kota ri posikola. " Anu hie muni nompaka gero dunia pondidikan. Kuperapika ka DKP ala mompatinggulika doi posikola pura hai, apa ledo ria haselena ka ngana nisikola, " perapina.

Ikbal muni nangulika dana nipake nombayari tanaga pompangajari dako ri DKP, nompake dana bantuan operasional sikola (BOS) batuana doi dako ri pamarenta puse APBN. " Polajaran seni nabelo riara nopanci kadota nu ngana ante mosuvuraka bakatra. Tapi anu hie nompake doi nogara ato dana BOS, rapaka simbayu ante ponganggarana aga, " pangulina.

Anu hai panggava i Ikbal, nabelo riara nompaka voke bakat ju ngana posikola. Tapi niposabaka ledo ria topo ajari dako ri DKP nakava. Progra pamarenta ngata hai ledo nabelo kalancarana. Niposabakamo hai, ia manggavia sura rekomondasi  ka wali kota ala mocabu kaputusana. Ane ka DKP nitevaina ala manggavia posintomu mboto riara mangelo hau rumba kapolana doi pura hai.**
Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
loading...
close
 LAYANAN PEMASANGAN IKLAN