Juli, DPS Palu 223.992 Topo Pelisi ri Pemilu



Reporter: Firmansyah

DAKO ri hasele posintomu Pleno natebuka posireke todea nompelisi  samantara hasele pompakabelo pemilu 2019, Ahad (22/7/2018) ri Swiss Bell Hotel. Nikakavaka kantoro natekai pemkot, KPU Palu bo parpol, natereke deana todea nompelisi ri ngata Palu, hasele daftar pompelisi samantara (DPS) deana 223,992 tona.

Hasele hai nikava dako ri panitia pokumpulu suara ri ovalu kocamatan, eva dako ri Kocamatan Palu Utara ante 5 kolurahan, TPS 61, langgai nompelisi 7028, mombine 7020, kadeana pura 14108. Kacamatan Tavaili 5 kolurahan, 62 TPS, langgai 7165, mombine 7155, totalna 14320. Kocamatan Palu Timur nasimbayu dea kolurahana dako ri bavona, naria 144 TPS, langgai 12597, mombine 13349 deana pura 25964.

Kacamatan Mantikulore ovalu kolurahan, 209 TPS, langgai nompelisi deana 22906, mombine 23909 totalna 46185. Kocamatan Palu Solatan 5 kolurahan, TPS 192, langgai 21868, mombine 22263, deana pura 44131 tona. Kacamatan Tatanga aono kolurahan, TPS 131, langgai 14417, mombine 14763, totalna 29180. Kocamatan Palu Barat 6 kolurahan, TPS 179, langgai nompelisi 14737, mombine 15018 deana pura 29755. Kacamatan Ulu Jadi aono kolurahan, TPS 96, langgai 9853, mombine 9884, deana nompelisi 1973.

Kotua komisi pomilihan umum Palu, Agusalim Wahid riara pojaritana nangulika, dako ri data eo hie nariap todea dopa naria KTP elektronikra deana 7490. Naupumo norekam KTP ri Dukcapil 4332 tona. Labina da samantara niurusira.

" Ri tanggala 12 Agustus ngena, KPU mompaka belo vai daftar DPS hie, sobolum rapaka tantu najadi DPT. Kami mosarumaka ka todea ante partai politik, ala modekei pesua ka kami nikaika ka urusa DPS hie. Samantara hie danadeapa pokarjaa banua ra paka upu. Eva nadeapa tidea dopa naria KTP elektronikra. Niposabakamo hai, berimba carana ala geira pura mamala mompelisi ngena ri pomilu mpae 2019, " petevaika i Agus.**

Share on Google Plus

0 komentar:

Post a Comment

close
 LAYANAN PEMASANGAN IKLAN