Kaili Day ri SMPN 7 Palu


Reporter: Ikhsan Madjido

KAPASIKOLA SMPN 7 Palu nanguli ane dunia pondidika no kontribusi mbaso nompa lostarika budaya ante tradisi lokal. Apa topo nturo ri Palu, khususna geira nompoposikola ana ra ri posikola, nakava dako ri daera anu nompungusi tradisi nte budaya ra mboto.

“Mompoposani ka budaya Palu, tarutama basa Kaili, najadi tanggung jawab dunia pondidika ka to ri Palu, maupa dako ri savaliku nu Palu,” panguli Kapasikola SMPN 7 Palu, Masaat, eo Araba (18/7/2018). Basa Kaili, basa nipatoleleka dako ri totua ta nggaulu, nompatambai mpengaya budaya ante tradisi Indonesia, paralu ntoto ra lostarika.

Boitumo hai, ri mpae ajaran hi, anu natopa niuli, tahun ajaran baru, SMPN 7 Palu mo rancana manggavia program niulika Kaili Day ri posikola ra. Batuana ri ara sae o ri posikola, guru ante ngana mposikola mo basa Kaili pura.

“Nirancana ka, sae o riara saminggu, eo Juma, guru ante ngana mposikola nawajib mo basa Kaili ane ri savaliku ruanga mpo bolajar. Ledo aga motesa-tesa, mombaca muni harus anu no basa Kaili,” panguli Masaat. Jadi, ledo aga ngana totua to Kaili, tapi ngana anu totua na doko ri ngata santanina, mamala mo ngena mo bolajar basa Kaili.

Tapi, dopame ra kavia haja hai, ra tesa ruru ri rapat ante ntontua nu ngana, berimba belona manggavia haja hi.

Samantara hai, Ketua Komite SMPN 7 Palu, Harjun Arubamba, no duku bo no apresiasi program Kaili Daya. Apa program hi, niulina, sala sangu usaha nu posikola, mompatuduki ngana mompokono budaya ante tradisi Palu. Supaya budaya hai, ra sani pura ngena, ka ngana-ngana nggapurina.“Domo maria ngena manguli, nayamata ku no basa Kaili. Tapi mavangga mo bo mompotove basa hi. Apa ane ledo kita mboto, mompotove basa nto tua ta, isema pa vai rasaro maka,” panguli Harjun.**
Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN