Popda Sulteng mo Prestasi Dunia



Reporter: Ikhsan Madjido

BAGO Nu olahraga nosangaka Pekan Olahraga Daerah (Popda) Provinsi Sulawesi Tengah, nioseaka 12 kabupaten/kota, iriavi (Sine, 23/7/2018) ni pamula mo, anu nibuka ri doyata kantoro Gubernur Sulteng. Sekretaris Daerah Provinsi Sulteng, Hidayat Lamakarate, nowakele tuamata Gubernur merapi bago hi mohaseleka atlit anu mamala ngena manggeni sanga nu Sulteng ante Indonesia mo prestasi ri tingka dunia.

“Popda hi nompasadia tampa pombinaan ka njumangu tingkat pondidika, ante mangelo bo manggava potensi bibit na belo  ri bidang olahraga,” pangulina. “Raperapi kami ka wasit, juri bo geira na torlibat supaya mompakita sportifitas, kondusifitas bo profesionalitas, supaya mohaseleka atlet mo kualitas, bo mompakule mosi saingi ri regional, nasional, maupa ri internasional,” panguli Hidayat notambai tesana.

Samantara hai, katua panitia Popda, Abd Raaf Malik riara lapora na nanguli ane bago hi no portandingka uvalu cabang olahraga, natopa niuli cabor, eva sepak takraw, bola basket, tenis lapangan, pencak silat, bola voli, tenis meja, bulu tangkis bo sepak bola.

Deana tona nangoseaka bago doko ri sapulu randua kabupaten/kota, na minus dako ri Morowali, maria 465 labi atlit maupa official, pada rakavia dako ri tanggala 23 sampe 27 Juli 2018, bo mosimpagoka 258 medali.

Ane tampa portandinga, cabor pomaimbala rakavia ri lapanga Faqih Rasyid. Sepak takraw, bola basket bo tenis lapangan ri Taman GOR. Sadangka bola voli ante tenis meja ri SMKN 2 Palu, samantara bulutangkis ri gedung Dolog, bo kuntau (pencak silat-red) ri Aula SDN Madani.**



Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN