Imunisasi MR Ri Posikola Dako 22 %


Ilustrasi Imunisasi
Reporter: Firmansyah

KAPALA Dinas Kosehatan Palu, dr. Royke Abraham notevaika urysa haja posunti vaksin Measses Rubela (MR) ri pura-purana posikola ngata Kaili, da nolipa deana ruapulu randua porsen. Senin (27/8/2018) ri ruangana panguli i Royke, haja hai nanau dako ri target. Kanana, ri eo hie nolipamo sampe aono pulu porsen. Bararti naria gap pitupulu porsen. Ri kabupaten ntanina Sulteng najalamo sampe siopulu porsenmo. Nikita dako ri evaluasi monitoring.

Ngata Palu mboto ante kabupaten ntanina nalamba riara imunisasi hai. Padahal organisasi agama, komonterian kosehatan, Gubernur, bupati, Wali kota sampe kapala Dinas Pindidikan nosuvurakamo sura ka posikola ri ngata Palu ala manggavia haja imunisasi.

Riara urusa hai, panguli Royke, geira moraga vai target naboli. Ante cara motevaika ka todea bo ri posikola. Nipisabaka target program posunti ri posikola sampe ri bula Agustus. Ane September ngana umuru sasio mbula sampe papitu mpae. " Palu mboto nanggava ponghargaan talumpae ri bengo, dako ri pamarenta pusat. Najadi sapulu kabupaten bo ngata nabelo riara nanggavia haja imunisasi. Eva cara rante naranindi. Batuana vaksin hai dako partama nikeni, sampe nisuntika ka ngana, da alima darajat celcius karanindina. Dopa vai potugasna natau pura, " pangakuna.

Niposabakamo hai, i Royke nerapika ka todea riara ngata, ala morambanga pura nompaka sukses haja pamarenta. Pangulina urusa halal haramna naupumo. Apa nariamo fatwa dako ante MUI.

Riara nojaritaka namala imunisasi radekeika kangana ane nikita dako ri syariat Islam, i Royke no talipoo Kapala Seksi Imunisasi Dinkes, Siti Rahma nangulika, notuntumaka dako ri fatwa MUI lomoro 33, mpae 2018, namala ra pake,  ato Mubah. Batuana nadea gunana bo kauntungana ka manusia, dako karugiana.**


Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN