Sekot Nobasaka Haja Gema Takabere Mbaso



Reporter: Firmansyah

SOKERTARIS Ngata Palu Asri, nowakeleka i Wali kota nobasaka haja Gema takabere mbaso riara nojoko eo mbaso Idul Adha, Salasa bongina (21/8/2018) ri ngayo kantoro Wali ngata Palu. Riara petevaikana no wakeleka pamarenta, Sekot nangulika salama eo mbaso Idul Adha ka todea rangata Palu. Riumba ri eo nggabuka hie mamala mompaka mbaso imanta ka tupu Allah taala, bo mompaka mosu vai kita pura ante ia.

Ri tempina hie, pura-purana tode Islam, utamana ri ngata Palu notakabere. Anu hai muni panguli i Asri, ledo aga rasuvuraka dako riara nganga nggo. Tapi anu hai rakavia muni ri katuvuata pura. Najadi umat Islam, kita mamala mojagai kaingguta, ante cara nompaka roso posampe suvu ante todea ntanina ri ngata Kaili. " Insya Allah ri tempona hie, kita mosambaya Idul  Adha ri lapanga Vatu Lemo Kolurahan Tanamidindi, Kocamatan Mantikulore, " pangulina.

Niipatoraka i Asri muni ala kita pura, morambanga mosijagai toleransi, posampe suvu, bo posibantu riara katuvua ri ngata Palu ante tona ntanina. Ala kaamana, kotortiban mabelo. Kaupuna nopatumbo sala sangu visi misi pamarenta riara majadika Palu, najadi ngata kakava tona dako ri sambalikuna.

Sekot nangulika songgo poasina ka geira nosibantuka haja hie sampe najadi. Tarutama topo tuntumaka haja pawai goma mbaso, ante harapa ala mojahai kaamana bo kotortiban ri dala ra oseaka ngena. " Tuntumaka rite dako topo nggeni dala. Nemo nakapuraca riara momotoro ato mooto. Kamba pura kita ralindungi Allah ta Alla. Ante ratarima amala belo nikaviata bongi hie, " perapina.

Haja hai nompamula dako ri dala Balai kota, hau ri Moh Yamin, Basuki Rahmat, nevote ri I gusti Ngurah Rai, napola Pue Bongo, negoli ri Sapiri, WR Supratman, Ponegoro, Cumi-Cumi, Komodo, Yos Sudarso, nompene ri Tombolotutu, Sisingamangaraja, Veteran, notingguli vai ri belana pamula.**

Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN