SURO ADA DALA MOLIVU TERORISME


 

Reporter: Firmansyah

SALA SANGU Progra pamarenta, riara molivu terorisme bo radikalisme riara ngata Kaili. Nanggavia Suro nu Ada. Anu hai nitevaika Wakele wali kota, Sigit Purnomo Said, ri haja nangande bongina ante kapala Badan Nasional Penanggulangan Teroris (BNPT) Marsekal Muda TNI, dr. A. Adang Suptiyatna, Araba bongina (8/8/2018) ri Kampung Nelayan Resto.

Randua mpae peanggana, suro nu ada namala notamanaka urusa posibaga bo posisala riara ngata Palu. Anu hai nakajadia mpu. Panguli Pasha, domo ria nesuvu ri kareba sura kabar bo televisi. " Ane nggaulu, Palu nikanala nalanga PAD na, ato nalanga riara posibagara ri ngata. Vesia nikavia suro nu ada, naamamo bo na nyama ngata, " pangulina nokuvava.

Suro nu ada mboto panggava i Pasha, gunana nompaka upu posisala todea ri libora. Mau urusa posibaga, sampu poberei ntona. Domo nikeni ri kantoro Polisi. Batuana nipaka upumo ri belana ante ada bo posarara. Suro nu ada niala dako totua-totua nu ngata pura.

Dako ri hasele ponilitian, sala sangu nepanci radikalisme riara ngata Palu, eva nade ngana ledo nosikola. Niposabakamo hai, Wali kota notevaika ka kantoro natekai, ala posikola dako ri TK, SD sampe SMP Negeri domo ria pobayari pesua ka ngana. " Alhamdulilah, ante ide naheba hai namala notamanaka bibit radikalisme, pevokena dako ante ngana ledo ato nabotu posikolara pura hai, " niuli i Pasha.

Kapala BNPT Marsekal Muda TNI. dr. A. Adang Supriyatna noanggataka kotumpu ka progra Suro nu Ada. Panggavana cara hai mamala majadi conto ka ngata ntanina, riara nompatangkisi urusa terorisme bo radikalisme. Niperapina ka i Walikota ala progra hai ratevaika ka Presiden. " Ku tevaika ka i Wali kota ala manggeni suro nu ada hai ka Presiden, ala mamala muni ra kavia ri ngata ntanina, " perapina.

Adang muni nangulika, pevoke nu radikalisme partamana niposabaka naria intoleran riara todea, batuana geira ledo nasituju bo napuas ka pamarenta ngata bo puse. Dako ri anu hai,  nompamulamo najadi paha terorisme. Kaupuna no paantimo Pancasila, NKRI bo khilafah.**


Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN