498 DCT Palu Nosiago Gadera ri Pileg

.
Reporter: Firmansyah

PATATU siopulu bo ovalu caleg natantu nopantuntumaka pompelisi wakele todea ngata Palu ri mpae 2019 ngena. Anu hai nisani dak rapat pleno natebuka  ponontuan Daftar Calon Totap (DCT), eo Kamisi (20/9/2018) ri hotel Palu. Kotua Komisi Pomilihan Umum (KPU).Palu, Agusalim Wahid nangulika, deana tona nesua pompelisi wakele todea pamulana limatu bo randua. Ampa ledo ma lolos. Tatalu ledo nagana borkasna. Saitu nomonduri mboto. Geira hai dako ri partai Solidaritas Indonesia ante Berkarya.

Nipekutana nelekana maria ngena petevai dako todea, geira nariamo sangana ri DCT maperna natekai kasus korupsi, narkoba bo polecehan seksual, Agusalim nangulika ane mpu naria, sangara kana ragaresi. ‘’Anempu naria nisani geira naporna natekai tatalu kasus ri paratilura PKPU, kana ragatesi sangara. Batuana ledo natetutui kamungkina daftar calon totap wakele todea ri ngata materuba deana, " panguli i Agusalim.

Dako ri pamula prosesna, nitambai Agusalim, naria sapulu aono partai nesua. Tapi kaupuna damo sapulu alima napola. Niposabaka parpol hai nalamba nosuaraka borkasra ri KPU. Agusalim muni notevaika, pileg 2019 ledo nasimbayu ante mpae nggauluna. Sala sangu contona, naria alima kotak suara ri TPS. Niposabakamo hai, ia nerapika ka parpol ala modekei polajaran ka todea. Ante nompataka caleg ledo naperna natekai kasus narkoba, korupsi bo polecehan seksual.

Nikaika urusa caleg dopa nosuaraka sura pomundurira dako PNS bo BUMD, Agusalim nangaku naupumo. Pura-Purana parpol naupu puramo nistor sura hai, ri tempo nipaka tantu panggaupuna.**

Share on Google Plus

0 komentar:

Post a Comment

close
 LAYANAN PEMASANGAN IKLAN