Basmin: Notumbo Deklarasi Kampanye Damai



Reporter: Firmansyah

NOTEVAIKA Deklarasi kampanya damai naupumo najala sakuya eo naliu, nikavia KPU, parpol bo pamarenta, Senin (24/9/2018) ri ruangana, wakele kotua DPRD Palu, Basmin Karim riara petevaina ka haja nagulika notombo ntoto acara hai.

Panggavana, deklarasi hai tujuna ala motangkisi kajadia posisala ritatanga todea. Riara nompatuntumaka pomilu 2019 ngena. Hai muni rapajadika polajaran ka parpol motevaika anggotana, berimba mopolitik mabelo, eva ada tona ri kamata eona.

Niposabaka, riara peanggana, pomilu najadi libo posidenggu nu isu-isu nasensitif ante todea. Hai muni namala nompaka sibaga tona ante nompaka gaa NKRI. " Kamai kita mo politik mabelo. Suvuraka puramo program riara mangala rara todea. Tapi nemo sampe nanggavia isu posibaga tona, " panguli Basmin.

Politisi Gerindra hai muni nangulika, domo najadia rahasia ane pura-purana parpol padagi ri pemilu. Vesia muni caleg niubara. Tapi socara mbasona, dekeikamo todea manggitana. Isema nasipato ra pelisi riara majadi wakelera. Apa geira nanggisani isema nabelo notuntuni bo namala nanggeni dotara ri DPRD.

Nitambaina muni, padagi ato nidagi, nabiasamo riara haja kompetisi. Anu hai damo ra potinggulika vai ka tupu nu karo. Namala nantarima ante bambara natebuka. Ato ledo nantarima nuapa nigaresikamo. ‘’Niposabakamo hai, yaku nompakeni ri tempona kampanye hie, kamai kita mo politik nabelo, ledo nompaka dua rara tona ntanina. Nompake basa mabelo ante cara nadoli riara mosuvuraka program, ledo nesuvu dako paratura undang-undang naria,’’ perapi i Basmin.**

Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN