HHD NOTEVAI PAKAGALI NGATA

  • Whatsapp
banner 728x90

Reporter: Firmansyah
RIARA Sura lomoro 662/2017/adpem/2018, Wali kota Hidayat
notevaika ka todea riara ngata, ala mompaka gali libora, ante morambanga
mojagai kagali nu ngata. Anu hai muni nikaika ante sura dako Sokertaris Jendral
Komanterian Porumahan Umum bo Prasarana Rakyat (PUPR) lomoro 5/SE/SJ/2018,
naisika panggavia haja Gorakan Koborsihan Nasional, ni rangkai ante acara Hari
Habitat Sodunia. Nikavia nompamula dako ri tanggala 28 September, sampe
tanggala 3 Oktober 2018.
Isi
nu petevaika hai, eva nompaka gali ante mojagai kagali ri kantoro, banua, libo
nu usaha, hotel, ponginapan, kost, bivi dala. Ante mompaka rava ngayona, keke
ante bivi nu dala. Petevai hai muni rakarjani eo-eo.
Niposabakamo
hai, i Wali kota nerapika ka todea rangata ala nemo motedeaka rumpu ledo ri
libo napaka sadiamo. Batuana, aga notedeaka ri dala, ri keke, ri binangga, ri
libo kasiromu todea, ri lapanga, ri ngayo kantoro bo banua. Wali kota nangulika
muni ala ri ngayo banua, rapataka tong sampah natetutui. Motedeaka rumpu ri
libona mami (TPS). Nemo aga ratedeaka riumba dota nu rara. Ante nemo motunju
rumpu ledo nompake cara nabelo.
Niasnita
pura, pamarenta puse nomparcayai Palu najadi libo panggavia haja eo habitat
dunia. Nompamula dako ri tanggala 28 September sampe 3 Oktober 2018. Samantara
hai haja Gorakan Indonesia magali, nikavia ri tanggala 1 Oktober muni ri ngata
Kaili.**

Berita terkait