Komenterian Maritim Makava ri FPPN III




Reporter: Firmansyah

FESTIVAL Pesona Palu Nomoni (FPPN) III nompalu dako ritanggala 28 September sampe 3 Desember 2018, namala nangala rara Komenterian Maritim RI. Vesia nitevaika i Wakele Wali kota, Sigit Purnomo Said, ri tempona haja posintomu mbaso panggava panggaupuna Wali kota Palu, ante acara rancanga paratura daerah ka APBD porubahan mpae 2018, minggu naliu ri kantoro DPRD Palu.


Riara petevai mbukuna, i Wakele Wali kota nangulika, kareba hai niulika mboto i Wali kota ri talipo palene dako ri Jakarta. Niuli i Hidayat, Komenterian Maritim RI natekai rarara  nangepe haja Festival Pesona Palu Nomoni III. Rancanara geira muni makava mompaka roa acara mbaso hai.


Niposabakamo hai, i Wakele Wali kota nerapika ka wakele todea, pimpinan OPD ante geira nakava ri rapat Paripurna, ala morambanga moduku bo notumbo haja FPPN. Ala mamala majadika Palu, najadi ngata kakava todea dako ri sambalikuna. Ante tema " Ka Palu, hau ri Indonesia borbudaya bo noada ". FPPN muni najadimo tanggala Nasoinal sala sangu haja mbaso ri Indonesia.


Nisanita pura-pura, nariamo randua kantoro dako ri puse nesua ria haja Festival Pesona Palu Nomoni III. Eva Komenterian Pariwisata ante Komenterian Porumahan Umum bo Pomukiman Rakyat. PUPR mboto rancanana manggavia haja eo habitat sodunia. Ngata Palu niparcaya nanggavia acara Internasional hai. Haja hai muni norambanga ante FPPN.**


Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN