MORAMBANGA MOBANGU PALU


 

Reporter: Firmansyah

DOMO NIRASAI Nesua vaimo ri HUT ka ampa pulu ngata Palu. Ri umuruna hie, nadeamo natekita pombanguna. Mesua tatalu mpae ka pamarentaha Wali kota Hidayat ante Sigit Purnomo Said, sakuya program nikavia. Eva nompaka belo ri sektor pombanguna, pondidikan, kasehata bo ekonomi. Nipamulaka ngata jasa nobudaya bo noada, nopandasika iman ante taqwa kaupuna naohaseleka Palu najadi kakava todea dako ri sambalikuna.

Riara urusa hai panguli i Wali kota, nibangu sakuya libo kagiata. Eva ri bulu Salena. Naria Paralayang, Flying Fox nandate ri Asia, sapeda bulu. Out Bond ri Uwe Ntumbu, pomore ri bavo nu rangga kayu kasaena randua jam. Hutan ngata Kaombona, rabangu muni pomore pura-pura olah raga, Ampy Theatre deana tona nesua sanjobu limatu bo gade kosenian rancanana danana raala dako Komonterian PUPR, ri haja eo habitat sodunia riara acara Festival Pesona Palu Nomoni ka tatalukana.

Tujuna nikavia hai panguli i Hidayat ala motaja investor riara mobangu libo banua kodi bo restoran. Anu hai muni midekeika ruang ka tona mobalu kandea ante more-more to kaili. Kaupuna mompaka tuvu poenju ekonomi todea.

Dako ri sektoro pondidikan muni nipaka belo ante cara nompaka sistim zonasi, domo ria doi pondaftaran sampe ri SMP, notambai jam bolajar agama, ante nitudu nopake nuapa ada dako ngana posikola. " Insya Allah ri mpae ngayona ngena. SMP nompakemo cara ujian nobasis ka komputer, " pangaku i Wali kota.

Sektoro kasehata nabelomo. Nariama nompakuli gratis ka todea, nompamula dako ri nggoviana sampe bongina, ri pura-purana Puskesmas riara ngata Palu. " Nitevaika kamimo ru ruma saki Anuta Pura (Umum) ala rapataka AC ante mompaka belo rindina raganti wall paper. Ala manyama muni tona madua, " niuli i Hidayat.

Nompaka belo dala bo drainase keke muni nipaka belo. Ante cara pombanguna nobasis kawasan. Batuana nitevai Wali kota, nompake cara libo. Nipaka tantu mamimo anu rabangu, pade melinja ri libo ntanina, nompaka smbayu ka kakuata dana anggaran.

Sektoro ekonomi ante temana kolurahan inovasi, nobasiska padagi bo neangga mboto nomandirika korakyatan notuntumaka rob map 2017 nompaka roso SDM. Ri mpae 2018 nompaka belo kualitas bo pogade hasele IKM.

RI mpae 2019 mimpaka belo pevoke nu Industri Kocil Monongah (IKM). Rimpae hi muni niuli i Hidayat randua tematik riara nanggavia kandea nu manu ri Kolurahan Pengavu bo Duyu. Rancana, ratambai masina panggaviana. Apa nanggita pogadena nasampemo ri Kabupaten Morowali. Ante notaja porusahaan daerah riara nobalu haselena ri sambaliku ngata. Ane pobalu riara daera mboto, nosijanjimo ante Alfa Midi mobaluna. Tapi kualitas, lenje anu ra boli hamau nompatuntumaka standara pura.

Notemaka " Toleransi bangsa ka ibu Portiwi " ri HUT ka 40.mpae, i Wali kota notevaika ala todea rangata motumbo nompajadika Palu ka ngata destinasi wisata. Ante cara mojagai kaamana, koborsihan, koindahan, kotortiban. Sangu muni nodekeika kosan nabelo, ala torata ledo rakalangasina ngata Palu, artina makava nju tumai.**


Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN