Morambanga Mombangu Kaamana Palu


 

Reporter: Firmansyah

MESUA Ri tempo mo kampanye, Wali kota Hidayat notevaika ka partai politik, ala morambanga mombangu kaamana ngata Palu ri pemilu 2019 ngena. Anu hai niulikan ri haja deklarasi kampanye damai ri lapanga Vatu Lemo, minggu naliu.

Panggava i Wali kota, ri tempona hie, ngata Palu domo ria niepeta posisala. Batuana naamamo. Niposabakamo hai, ia nerapika ka parpol, ala motevaika ka anggita riambena, mombangu posampe suvu ka todea. Ala ledo nompaka ria vai balumba kodi ri tatanga todea. ‘’Nirasaiku, kita pura hie nalengemo ante pisisala nakajadia ri mpae nggauluna. Nadeamo nakarugia niposabaka urusa hai. Karugia harta ante nyawa. Ri temponamo hi, kamai kita pura mompaka voke posampe suvu, toleransi bo posibantu ri ngata Palu," perapi i Wali Kota.

Pompelisi Presiden ante wakele todea ri mpae 2019, panguli i Hidayat haja mbaso. Ledo aga urusa pamarenta, tapi pura-purana tona riara ngata. Mojagai kaamana muni majala morambanga ante todea. Ala mamala majadika Palu ngata nobudaya noaada, nipandasika iman ante taqwa.

Wali kota muni nerapika ri haja kampanye ngena, nemo mosuvuraka jarita nompaka denggu tona. Kaupuna aga nompaka botu posampe suvu, poposibaga todea ra ngata. " Kamai kita mojagai kaamana ri pomilu 2019. Apa konsep dako pemkot, mompajadika Palu ngata jasa, kaupuna motumbo ka kakava todea dako ri sambalikuna makava ri Palu, " pangulina.**


Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN