NEMO RAPAKALANGA SEWA KAMARA HOTEL



Reporter: Firmansyah

KAPALA Dinas Pariwisata Palu, Ridwan Karim notevaika modekeika sura ka tupu no Hotel ri ngata Kaili, ala nemo nompaka langa sewa nu kamara ka tona, ri tempona haja Festival Pesona Palu Nomoni III. Eo Kamisi (6/9/2018) ri ruangana, i Ridwan nangulika cara rapake ka urusa hai, nompake sistim Corporate. Batuana ledo rapake ali dako tupu nu Hotel, ato publish. " Contona eva sewa nu kamara tipe Superior ri hotel, sambongina sangu juta bo satu njobuna. Ane nompaka cara corporate, ledo natetutui kamungkina ngena namala manau, " pangulina.

Tapi sakuya deana pirsena ra tauraka, i Ridwan notevaika hai damo urusa tupu nu Hotel. Geira ledo namala nompaka sempo mboto. Batuana nemo sampe sewa nu kamara Hotel mompene, niposabaka haja Festival Pesona Palu Nomoni.

Ane ka modela Hotel riambena, nitambai i Ridwan muni da redekeika sura pomberitahuan. Moskipun dea sewara notuntumaka ato nompaka sosuai ante Hotel mbasona naria ri tana Kaili hie.

Nakavaopa i Ridwan nojarita, haja hai ngena rakakavak muni dako ri pamarenta puse. Eva Kamaterian Pariwisata tina dako acara FPN mboto. Komonterian PUPN riara rangka haja eo habitat sodunia. Komonterian Kobudayaan riara nompaka jala revitalisasi nilai-nilai budaya bangsa. " Batuana geira ngena makava ri ovalu kocamatan ri tana Kaili. Riara mompekutana ante mobolajar sampe riumba pokarjaa Satgas K5, Gali Gasa bo Suro nu Ada, " pangakuna.

Sampe oe hie nitevaika i Ridwan, nariamo sakuya Nogara nidekimo undanga ka Festival Pesona Palu Nomoni III. Eva Taiwan, Swdia ante Malaysia. " Sampe ri tempona hie muni, dopa ria kareba dako Malaysia, nikaika kakavara ri ngata Palu. Tapi kami muni da masadia belekana geira makava mpu ri FPPN III, " niulina.**


Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN