Paripurna Dopa Naama Dako Posi Protes

.
Reporter: Firmansyah

POSINTOMU Mbaso ka Dekot bo pemkot eo Araba (5/9/2018) nojaritaika nopaka tantu porubahan progra paratura ngata Palu mpae 2018, jawaban dako Wali kota ka pandangan umum fraksi-fraksi DPRD ka rancangan perda 2018 ante nanggavia panitia khusus (Pansus).


Posi banta hai nompamula dako kasorona i Wakele Wali kota, Sigit Purnomo Said nobaca ante naupu nanggavia Pansus. Topo nggeni sidang, Ishak Cae nerapi pirsotujuan dako ri wakele todea ka saena tempo karjaa Pansus, nompamula ri tanggala 5 sampe 6 September 2018. Haselena radekei ri eo Jumaa (7/8/2018).


Kotua Pansus, Hamsir riara jaritana nerapi ala tempona hai ra tambai. Apa ledo magana ane aga ra polajari randua eo. Nitambaina muni, kajadia eva riavi, niposabaka ka urusa hie muni. Kaupuna ia nerapi ala pura-purana rancana karja naupumo nisotujui Banggar, ra lampi riara laporan, rakita apa haselena ngena ledo nasimbayu ante jarja komisi. Eva riavi RKA nisuaraka ri APBD hasele DPA ledo nasimbayu. " Naeka yaku, kita rasaka KPK ngena, eva kajadia ri Malang, " pangulina.


Kotua sidang, Ishak Cae notevaika ala tempo nidekei hai rapakemo ruru. Ane mami ledo magana. Damo raperapi vai ka Banmus. Apa kaputusan hai, naupumo nijaritai ante badan musyawarah.


Mohamad J Wartabone riara noprotes petevai i Hamsir, nikaika ka urusa ri DPRD Malang. Nanguluka kuta ante geira ledo mamal rapaka simbayu. Santanina konteksta. Panggavana, Dekot Palu nagali dako korupsi. Apa mpu-mpu noparateka todea. Wakele kotua Pansus, Sofyan R Aswin nasimbayu ante Hamsir. Batuana nemo rapandaente urusa riara mompolajari laporan pura. Ala domo masimbayu hasele daki ri komisi, banggar bo pansud. Niposabakamo hai, ia muni nerapi ratambai eona riara karja Pansus.


Wakele todea ntanina, Bey Arifin nitevaika ala pura-purana urusa pokajhaa ri Dekot. Rapitinggulika dako ri paratura naria. Nipokaekaka ane ledo notuntumaka paratura. Ledo mabelo haselena ngena.

Erfandi Suyuti riara nobacaka Permendagri lomoro 13 mpae 2006 ka pedoman noolah doi ngata, noaturu APBD porubahan lomoro 172 ayat 1, nangulika kapala ngata riara notevaika rancanga perda posiruba APBD ralampi ka DPRD, nalamba rasuaraka ri minggu karanduakana bula September mpae angfaran niolipa, ala ra rabahas pura.


Kotua sidang, Ishak Cae kaupuna nopaka tantu tempo karja dako pansus, naupumo ni poiyoka wakele todea riara ruanga. Nompamula ri tanggala alima sampe aono. Ri tanggala papitu eo Jumaa, hasekena namalamo radekeika.**


Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN