PEMKOT NODEKEI AMPA RAPERDA




Reporter: Firmansyah

PAMARENTA Ngata Palu nodekeika ampa rancanga paratura daerah (Raperda) ri tempo sidang catur wulan tatalu. Anu hai nibacaka Wali kota Hidayat ri haja notutui sidang cawu randua, Senin (10/9/2018) ri ruanga posintomu mbaso kantoro DPRD Palu.

Ampa raperda hai eva porubahan paratura daerah lomoro 3 mpae 2012, nikaika ka pombinaan, ponortiban topo balu kreatif. Raperda ka berimba mbasona cara nompakurangi, nopaka ngaa noaliaka bea daerah ri libo ekonomi khusus (KEK). Raperda panggavia kosehatan reproduksi ante raperda pondapatan balanja daerah mpae 2019.

Dako ri hasele porapat ri kalender cawu randua, naria randua item raperda ante randua kaputusa pemkot Palu. Anu hai da niparesa ri tingkat Gubernur Sulteng. Eva raperda APBD porubahan 2018. Ane kabijakan pemkot naupumo nipoiyoka Wali kota bo Dekot, eva  nopakatantu kabijakan umum APBD bo prioritan platfond mpae anggaran 2019.

Nopaka tantu kabijakan umum APBD proiritas platfon mape 2018. Sangu item raperda naupumo nisutujui ka pemkot bo dekot. Nanggavamo lomoro registrasi dako Gubernur, rapaka tantu najadi paratura ngata lomoro 6 mpae 2018 ka portanggung jawaban angaran pandapatan bo balanja daerah mpae 2017.

Wali kota muni notevaika, niposabaka nalamba niparesa ri provinsi, urusa pombahasan ri cawu sangu, kaupuna nipaka tantu cawu randua. Perda hai eva paratura ngata lomoro randua mpae 2018, nikaika ka nanggavia banua bo libo ponturo. Perda lomoro tatalu mpae 2018 ka urusani golandangan bo tope rapi-rapi. Raperda lomoro ampa mpae 2018 ka urusa porubahan katataluna, natekai posiruba paratura ngata lomoro sasio mpae 2011, ka retibusi porizinan tortontu.

Perda lomoro alima ka porubahan  paratura  ngata lomoro alima mpae 2016, nikaika la rancanga pombanguna jangka monengah daerah (RPJMD) mpae 2016-2021. Perda Palu lomoro papitu mpae 2017 naisika porubahan ka alima perda lomoro papitu mpae 2018. Nosikai ante  porubahan ka alima perda lomoro papitu mpae 2011, eva retribusi jasa usaha. Ante perda lomoro alima mpae 2018, nojaritaka  posiruba ka ampa, ribavo paratura lomoro ovalu mpae 2011, nobahas retribusi jasa umum.**


Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN