RAPERDA TONAGA KARJA LOKAL NAUPUMO


.
Reporter: Firmansyah

SANGU Rancangan Paraturan Daerah (Raperda) pombordayaan bo porlindungan ka tanaga karja lokal naupumo nikavia bo  nijaritaika ri libo dewan, ante ni sotujui puramo ka sasio fraksi. Damo ra dekei vai ka Wali kota ala raposirapat vai.

Anu hai nisani dako posintomu mbaso petevaika Badan Pombontukana Paratura Daerah (Baperda) ka jawaban dako fraksi-fraksi ri DPRD Palu, eo Salasa (25/9/2018) ri ruanga posintomu mbaso wakele todea. Kotua Baperda, Moh Rum ri pamulo jaritana dako petevai fraksi nangulika, nompamula dala partamana rancangan hai, nangepe suara dako ri fraksi. Najadika topo uba ato alat nompaka gana ri libo dewan. Ala rakeni vai riara pombahasan ante pamarenta ngata.

Riara kasampata nggauluna panguli i Rum, ri porsidangan catur wulan tatalu, mpae 2018, naupumo ni bahas ri tingka hai. Nisusumo ante cara nabelo. Nompaturusi porundang-undangan naformal.

Topo balenggai posintomu, i Basmin Karim sobolum notutui sidang, nangulika naupumo ni poiyoka dewan, anu hai rakeni vai hau ka Wali kota, ante sura kotua DPRD. Notuntumaka pasal 33 Permendagri lomoro 1, mpae 2014. Naisika produk hukum ngata. Posintomu mbaso hai nikakavaka randua pulu bo papitu dako pura-purana tatalu pulu bo alima deana wakele todea. Asisten I bidang pamarenta bo kesra, Moh Rifani Pakamundi nowakeleka i Wali kota.**

Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN