Da Nipangangga, Anutapura Narugi Rp9 M

RSUD Anutapura
Reporter: Firmansyah

DIREKTUR Utama RSU Anuta Pura, dr. Ruslan R Karim. S.pS ka Kaili Post, Salasa (6/11/2018) ri ruangana nangulika. Sampe eo hie, da nariapa topanggangga nesua ri ruma saki nangala poralatan. Nireke karugia deana Rp9 miliar. " Ri eo hie, da nariapa topangangga nangala TV, kulkas, lap top, lamari, AC, paturua tomadua. Nikenira panjili, " pangulina.

Santanina muni niuli Ruslan. Geira nakava nakasara kedora. Neanca Satpol PP nojagai ante ladi. Ane mabia nompatagi kadotara, ra jalo. Niposabakamo hai, ledo ria tona nadota notutui dalara nesua. Kaupuna nialaramo poralatan ri ruma saki.

Kajadiana nompamula randua eo naliu lingu, tsunami bo tana naduyu ri ngata Palu. Tanggala 28 September 2018. Sampe eo hie. " Kami naupumo nompalaporkan urusa hie ante polisi. Ala topa ngangga pura hai raelo bo rasaka, " pangakuna.

Niposabakamo hai, ia netevaika ka geira nangangga barang ri ruma saki, ala ante rara maloga mopatinggulika anu nialara ka geira. " Anu niala hai, dako ri pamarenta. Boituma hai raperapi kami ala rapotingguli vai ka kami, " perapi i Ruslan.

Nitambaina, urysa hie najadimo kasus kriminal. " Nikakavakuma geira topa ngali barang bokas. Eva ase tua. Niulikakumo nemo madita mangali dako geira, ane maria cap ruma saki. Apa mambela pasal topo songgo barang nipangangga ngena, " petevaikana.

Dako ri sakuya nipangangga. Niuli Ruslan, nariamo nipatinggulika anu nialara, eva AC. Apa nambela ni foto lenjera, ante nesua ri Medsos. " Nariamo sakuya tona nopatingguluka anu nialara. Anu hai muni aga AC nggo. Apa naeka nisanimo lenjera, " niulina.**

Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN