Dana Pendidikan ri Palu Rp28 M



Kementrian Pondidikan bo Kobudayaan RI, nodekei bantuan dana tunjanga khusus ka guru ri ngata Palu Rp. 28 M

Reporter: Firmansyah

KOMENTERIAN Pondidikan bo Kobudayaan RI, nodekei bantuan dana tunjanga khusus ka guru ri ngata Palu Rp. 28 Milyar. Anu hie nitevaika kapala dinas Pondidikan, Ansyar Sutiadi, Senin (26/11/2018) ri tempona naupu kagiata ri kantoro DPRD Palu.

"Ri tempona hie, nompamulamo poncairan doina ri Bank. Tanaga nompangajari nanggava bantuan hai, eva kapala sikola, pongawas, guru pagawe ato da nohonor, nariamo sangara ri data pokok pondidikan, ato niuli Dapodik, " pangulina.

Deana pura-pura doi nitarima guru, ane guru napagawemo Rp. 1.500.000. Topo honor deana Rp. 2.000.000 sambula. Ni bayari talumbula sanggani. Ri aono mbula ri ngayona.

"Tempona nobayari doi ka guru, talumbula sanggani, ri aono mbula ri ngayona. Ane petevai dako ri Komenterian ra sambu poncairan aono mbula ri kauluna vai, dopa ria niepe kami, " niulina.

Pamulana, bantuan hai niuli i Ansyar aga radekeika ka geira nambela ato nakarugia nigoso nu lingu, Tsunami bo tana noeenju. Tapi niposabaka belekana ngena madea tona ledo mosi paka belo rara. Kaupuna dana doi nibagi narata pura.

Nitambaina muni, ka pura-purana kapala sikola ri ngata Palu, ala mokalingasi muni geira naria ri tonaga pondidikan ledo nanggava bantuan. Eva pagawe Laboratorium, topo jagai pksikola, ante nojagai buku rabaca. " Yaku mosarumaka ka kapala sikola, ala mokalingasi muni ranga geira ledo nanggava dana bantuan, ri tempona kita pura nambela bala hie, " perapina.

Santanina muni, nitevaika i Ansyar. Bantuan nakava dako ri Kamanterian, ledo aga doi. Tapi muni bantua manggavia posikola darurat, ante mompaka belo ruanga nagero. Nitambai vai baju pisikola ka ngana, buku potulisi, polopena bo paratalata ntanina.**

Share on Google Plus

0 komentar:

Post a Comment

close
 LAYANAN PEMASANGAN IKLAN