KPU NOMPAKA BELO DPT-HP 1 NAUPU LINGU


 
-
Reporter: Firmansyah

NIPOSABAKA Lingu, Tsunami bo tana noeenju, nonjobu tona namate ra ngata Palu. Anu hai muni nompangaru urusa nu suro bo kantoro. Sala sanguna eva Komisi Pomilihan Umum (KPU).

Natantumo madea makura hasele Daftar Pemilih Totap hasele Porbaikan (DPT-HP 1). Niposabakamo hai, kotua KPU ngata, Agusalim Wahid, ri Whats Ap minggu naliu,  nangulika ri ngayona ngena, KPU mompaka belo data vai ka todea riara ngata Palu. ‘’Ri juma naliu, KPU nanggavia rapa koordinasi nikaika ka mompaka belo data pomilih totap, hasele porbaikan 1, ante Dukcapil, Lapas, Bawaslu bo kantoro ntanina. Tujuna ala berimba modempa ri kauluna. Nikaika ka mompaka belo hasele DPT-HP 1naupu boncana alam, " niulina.

Cara karjaana panguli i Agusalim, merapi data ante Dinas Kepondudukan dan Catatan Sipi(Dukcapil). Sakuyamo deana tona namate. Naupu hai rapaka simbayu ka DPT. Kaupuna  ra suvuraka haselena pura. Vesia muni ante panitia PPS bo PPK, ala hau hau modata ri kolurahan-kolurahan ri ngata Palu. Todeaa namate ante nalipo ka lingu, Tsunami bo tana noeenju. Morambaga ka Dukcapil momparesana, kaupuna rasuvurakamo geira domo naria.

Ane ka panggaupu nu tempo nompaka belo data DPT petevai i Agusalim, dopa naria jarita dako ri KPU Jakarta. " Ane ka panggaupu nu tempo po data DPT baru naupu bala, dopa ria petevai dako ri KPU Jakarta. Tapi kami nopatuntumaka jadawal partamana. Dopa muni na ponu. Nipajadika dempa pamulana riara mo.paka belo data ri ngata Palu, " pangakuna.

Eva nisani pura. Hasele dako daftar pomilih totap ka pomuli mpae 2019 ngena, ri ngata Palu. Deana pura-pura 222,132 tona.**

Share on Google Plus

0 komentar:

Post a Comment

close
 LAYANAN PEMASANGAN IKLAN