Libo Pobalu Bau Inpres Rapaka Belo


Reporter: Firmansyah

NAUPU LINGU, Tsunami bo tana noenju sambula naliu, topo balu bau ri gade Inpres Manonda, da nobalu ri dala. Notevaika anu hai, kotua DPRD Palu, Ishak Cae ni tomunaka ri ruangana, Araba (28/11/2018) nangulika niposabaka hai, libo pobalura rapaka belo ntanini ruru pade geira ra tudu mesua vai.

‘’Dako ri hasele panggita kami ri libo pobalu bau ri gade inpres, ante kantoro dako ri pamarenta ngata, libo pobalura riarana, nadea nagero. Niposabakmo hai, geira nobalu ri sambalikuna. Geira muni nerapika ka pamarenta ala mompaka belo vai libo pogadera riarana, " pangulina.

Niulina muni, niposabakamo hai geira  nipoika da nobalu ri dala. Hai muni domo ni pomasalaka i Wali kota. Tapi pangulina, nemo motedeaka rumpu ri libo nu gade, nemo ra vusu dala motoro bo oto, ante ledo namala mobalu ri ngayo gade Inpres Manonda. Apa nompaka gero lenje nu ngata.

‘’Riara urusa hie, Wali kota nasimbayu popekirina ante kami. Dari pada ngena malenge randua nggani. Batuana, aginamo masanggani ratudu motingguli vai riara gade, maupu rapaka belo bangunanra. Dari pada ri tempona rapaka belo, geira ra suvuraka vai" petevaikana.

Anggaran ra pake mompaka belo libo topo balu bau hai nitambai i Ishak, nompaka dana tanggap darurat boncana, ato daki ri relawan nakava ri Palu, " Ane anggaran rapake mompaka belo banguna topo balu bau hai, rancanana rapake dan tanggap darurat, ato relawan, damo pamarenta berimba cara moaturuna, " pangakuna.

Riara urusa hie muni, pamarenta madota motumbo ekonomi riara ngata Palu, niposabakamo hai geira da nodekei nobalu ri dala. Ala poputara ekonomi mabelo vai. " Ane geira ratagi mobalu ri gade, kaupuna majadi urusa pamarenta vai riara mompaka sadia kabutuha katuvura, eva ose bo anu ntanina, " petevaikana.**
Share on Google Plus

0 komentar:

Post a Comment

close
 LAYANAN PEMASANGAN IKLAN