NAUPU LINGU PADAT KARYA DA NAJALA


 
Padat karya
Reporter: Firmansyah

NIPOSABAKA Lingu, Tsunami bo tana naduyu ri tanggala 28 September naliu. Najadi urusa mbaso ka todea. Sala sanguna eva va madea tona domo mo karjaa. Nadea banguna pamarenta bo swasta naruntu ri kajadia hai.

Eva ruma saki, kantoro porusahaan, hotele, waru pangande. Otomatis domo majala kagiatara. Kaupuna rapaka kura tonaga karjaa, sampe rasuvuraka. Anu hai muni nompaka tambai urusa pamarenta.

Dako ri urusa hai. Sala sangu program pamarenta ka todea riara ngata padat karya da nariapa nikavia naupu bobcana alam. Anu hai nitevaika kapala kantoro Dinas Sosial (Dinsos) Palu, i Abidin  ri talipo pale, Araba (14/11/2018).

" Ane program padat karya mboto. Da naria naupu boncana alam. Anu hai nipaka jadika pombordayaan todea riara ngata, " petevaikana.

Santanina niuli Abidin, padat karya muni najadi sala sanga podempa riara nodekei pandapata ka todea aga sakide panggavara. Ane gaji ri tempona hie nitambaina deana Rp. 250 njobu ka sangu tona.

Nipekutanaka maipia kira-kira ratambai gaji nu padat karya, Abidin nangaku dopa ria kareba dako ri pamarenta ratambai. " Ri tempona hie, dopa ria karebana rapaka mpene. Apa muni da naupu kita nambela boncana. Nariapa nipaka utama ruru. Kamba ngena padat karya, najadi sala sangu posambeli dako ri pamarenta, " pangulina.**

Share on Google Plus

0 komentar:

Post a Comment

close
 LAYANAN PEMASANGAN IKLAN