NOMBANGU JAMBATA V ANGGARANA Rp33 M

'
Reporter: Firmansyah

RANCANANA, Mombangu jambata V mompamula mpae 2019. Nompaka dana niala dako ri APBD. Deana 33 Milyar. Vesia nitevaika wakele todea ngata, i Armin, Salasa (27/11/2018) ri kantorona.

Jambata nompasambu libo dako ri kamata eo, sampe kasolo nu eo hai panggava i Armin. Rakavia ri dala Anoa II Kelurahan Lolu Selatan, sampe ri dala Jati, Kolurahan Nunu.

Batuana ra bangu jambata alima hai, najadika cara ala mompaka loga dala molipa kondaraan dako kamata eona, sampe kasolo eo. Santanina muni, nopaganti jambata kuni naombo ni goso nu lingu bo Tsunami sambula naliu.

Ane urusa nompaka bebas tana ri libo jambata, panguli i Armin nesuamu ri tempo karanduakanamo. Batuana, nitambai vai luo nu tana. " Nggaulu luona aga alima metere. Tapi netetambai vai tatalu metere, jadi netetambai vai kaluona, " niulina.

Nakavao muni nitambaina, rancana mombangu vai jambata ampa naombo nigoso nu lingu bo Tsunami, niposijaritaimo ante wakele todea bo pamarenta ngata. Nompake dana dako ri pamarenta puse, ri APBN.
Tapi muni, niulikana ane majadimo ngena jambata ampa, domo namala ra poliu oto mbaso. Apa rakavia ka libo nu wisata. Jadi, oto trek bo kontainer mete goliaka dalana, hau mesua ri jambata alima.

Santanina muni nitevaika i Armin, ri bivi nu tasi ngena rapajadika vai libo nu wisata. Tapi, muni rakavia ntani ruru anu motaha balumba, ala domo mambaso makava ri tana. " Ri kauluna ngena, maria rancana dako pamarenta, manggavia anu motaha balumba ri bivi nu tasi Palu, " pangakuna.**

Share on Google Plus

0 komentar:

Post a Comment

close
 LAYANAN PEMASANGAN IKLAN