Palu Nalanga Inflasi ri Indonesia


reporter: firmansyah

NIPOSABAKA Nambela lingu, tsunami bo tana naduyu, ngata Palu ri bula Oktober 2018, nalanga inflasina ri Indonesia, deana 2,27 porsen. Anu hi nisani dako posintomu nu wartawan ante BPS, Kamisi (1/11/2018) ri kantoro Badan Pusat Statistik Sulteng.

Anu nompaka suli ali hai dako ri kandea najadi (kandea bo uta) deana 0,49 porsen, ongkosi kapudara 0,41 porsen, bau bolu (bandeng) 0,17, uta sup 0,11 porsen, ante bau Selar 0,11 porsen.

Kapala BPS, Ir Faisal Anwar ka wartawan  nangulika, data hai nikumpulu tim dako sakuya gade riara ngata Palu. Anu hai muni ledo nsatetutui kamungkina matetambai majadi 3,34 porsen, ato 5 porsen. Ane ali nu barang ledo manau.

Tapi nitambai i Faisal, niposabaka boncana alam, biasana bau ri tasi nasuli, ri tempona hi nanaumo alina. Anu hai nosumboli ante bau nggarona. Nompene alina. " Niposabaka force mayor boncana alam. Ali nu barang pasti nompene. Anu hai muni natantumo. Tapi rasarumakata ka pamarenta ala mojagai bo mompaka nau ali nasuli pura hie, " pangulina.

Anu hai muni nasimbayu niuli Kabid BPS, Nasir. Petevaikana niposabaka ali nu barang nalanga, apa nakura nipobalu ri gade, goda bo kios.

Nitambai i Nasir, ri tempona tanggap nadarurat nadea bantua nakava dako ri ngata ntanina, tapi ledo nagana. Apa naupu boncana, nelabi muni kabutuhan todea. " Data hai muni, ni suvura dako ri BPS Jakarta, " pangakuna.**
Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN