PAMARENTA MPU- MPU URUSI TONDO KIRI

Rizal Spd.i 

Reporter: Firmansyah

NOTEVAIKA Kareba mobuka vaimo lokalisasi Tondo kiri, sala saito wakele todea ngata Palu, Rizal Spd.i nangulika ala pamarenta mpu-mpu ma kaa ante urusa hai. Araba (7/11/2018) ri ruangana, anggota Komisi A hai nangulika sala sanga visi misi Wali kota mompajadika Palu ka ngata nobudaya bo noaada, nolandeka iman ante taqwa. Mpu-Mpu majadi paratian. Riara roda pamarenta.

Ane nilai hai panguli Rizal neganggu iman bo taqwa, pamarenta mamala mpatagi ka urusa hai. " Ane mpu Tondo kiri hai rabuka vai, pamarenta mpu-mpu mompaka tortib libo hai. Nemo sampe saba tona sakide, mompaka rau tupu vai ka kita pura, " pangulina.

Sabana panguli Rizal, ane aga nanggita inggu doyo nikavia tona, ledo nitagi. Niposabakamo hai, pura-purana todea manggava haselena. " Kajadia lingu, tsunami bo tana naduyu nambela ka kita, tagoro dako ri Allah. Nagana sangganimo hi kajadiana, " niulina.

Nakavaopa niulina ri ngayona ngena, urusa hai ra anggatakana ri tingkat pombahasan Badan paratura daerah. Ala mamala rakavia bo rapaka sah paratura daerahna.

" Anu hai napernamo nijaritai ri posintomu paripurna nggauluna. Tapi nianggataka bo ni paka sah aga paratura gepeng bo pengemis. Kaupuna urusa hai natebonto pombahasana, " pangakuna.**

Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN