Pamarenta Nitumbo Dekot Mompaka Nau Ali

'

Reporter: Firmansyah

SABA DAKO Boncana alam lingu, nanggavia bago ka todea bo pamarenta. Anu hai muni nepanci inflasi, ato nompenena ali ri gade ante goda. Eva anu nikande bo anu ntanina. Anu hai muni niposabaka natebonto panggeni barang dako ri sambalikuna, makava riara ngata. Samantara hai aga sakide pomboliaka nu barang. Ri sabingga ntanina, todea naparlu mpu ka katuvuara. Niposabakamo hai, ali ri gade nompene nalanga pura.

Niposabaka muni hai, kotua DPRD Palu, Ishak Cae riara petevaikana, notumbo pamarenta ngata, ala manau ri dala, mompaka belo vai ali nalanga ala manormal. " Kami dako ri wakele todea, notumbo pamarenta ngata, ala manau ri dala. Mompaka normal ali nu barang nompene, " pangulina.

Panggava i Ishak Cae,  saba sampe nalanga pura ali nu barang riara ngata Palu, nipisabaka urusa transportasi. Eva ri tasi bo dala. " Sampe eo hie, da nadeapa barang ri polabuhan. Jasa peti komas dopa nalancara gaga ponggavera. Ane rakeni ante oto, nadea biayana. Kaupuna nakava riara ngata naulimo alina, " niulina.

Nitambaina muni, petevai Sulteng meangga bo Palu makua, ledo aga mesuvu dako riara nganga nggo. Tapi muni naria buktina metekita ante todea. Eva nabelomo katuvuara pura. " Berimba rauli todea meangga bo makuamo, ane ali da nalanga pura, " pangaku i Ishak.

Pamarenta ngata mboto manggavia posintomu ante jajarana, riara mojaritaka urusa hai. " Pamarenta ngata manngavia posintomu ka urusa hai. Kami muni najadi wakele todea nitomunaka muni mojaritakana. Niposabakamo hai, kamai kita pura meduku pamarenta, riara mombangu vai ngata Palu, " perapi i Ishak Cae.**

Share on Google Plus

0 komentar:

Post a Comment

close
 LAYANAN PEMASANGAN IKLAN