Pongungsi Kaombona Nakura Nibantu Pamarenta


 
Pongungsi Kaombona 
Reporter: Firmansyah

NABASA BO Nasandamo rara kami motonggoraka bantuan dako ri pamarenta. Vesia jarita nowakeleke 230 todea naturu ri libo pongungsian Kaombona.

‘’Kami ri shelter hie, da namala nangande ledo nosarumaka dako ri pamarenta. Tarutamana ri kolurahan. Kupekutanaka ka komiu pura. Pamarenta, kolurahan bo RW. Riumba pura komiu, ri tempona kami mpu-mpu mpasarumaka mobantu kami? Hai pura nompaka kocewa le,’’ panguli koordinator shelter Kaombona, Zualmin, Kamisi (22/11/2018).

Panggava i Zualmin, dako ri eo partama na lingu, sampe eo hie. Dopa ria nakava lurah bo RW nanggita geira. " Aga nitevaikana, ka geira naupu banuana 21 unit nambela Tsunami ri libo pogara. Ala monturo ri lapanga Golf. Ane tona ledo nadota, ledo radekei bantua bo Huntara. Jadi, berimba ante kami nagero ntamo banua, domo namala ra paturu, " niulina.

Bantuan pangande bo tenda, nitevauka i Zualmin, nakava dako nogara ntanina bo ngata sambalikuna. Eva Perancis, Australia ante Korea. Ane Indonesia mboto, eva ACT, Jakarta, Surabaya, Bali, Sulbar, Sulsel bo Kaltim. ‘’Bantua dako ri pamarenta, aga randua nggani nakava. Dako ri Dinas Pariwisata,’’ pangakuna.
Todea naturu ri pongungsian Kaombona, nitambai Zualmin, dako ri dala Komodo ante Tombolututu. Ri tempona hie muni, geira nanggavia poriapu umum.

Jarita hai, nasimbayu muni niulika pongungsi ntanina i Made. Niulina, nakura mpu bantuan nakava dako ri pamarenta. Deana nesua hamai aga dako ri tona ntanina. Batuana dopa nambela nikave pale pamarenta.

Nipekutanaka nuapa nakura ri shelter Kaombona, eva anu rakande, uve bo uve rainu. I Made nojarita da nabelo pura bakuna sampe tempona hie. " Kami muni nanggavia poriapu umum ri shelter hie. Ose, bo anu rakande ntanina, nipaka sadia relawan pura, " pangakuna.**

Share on Google Plus

0 komentar:

Post a Comment

close
 LAYANAN PEMASANGAN IKLAN