RAPERDA TANAGA KARJAA MOSIPAKENI ANTE BPJS


 
-

Reporter: Firmansyah

PAMARENTA Ngata, ni wakeleka ka Asisten I, Sekdakot Palu, Moh Rifani notevaika ala Rancangan Paratura Daerah (Raperda) inisiatif pombordayaan ante porlindungan tonaga karjaa lokal. Mopakeni BPJS najadi kantoro riara modekei jaminan sosialna.

Anu hai nibacakana riara porapat paripurna, Araba (21/11/2018) acara petevai i Wali kota, nikaika ka pombahasan Raperda inisiatif dako ri wakele todea ngata Palu.

Santanina muni hai, panguli Rifani. Perda mpu-mpu manggeni ruanga lingkup, ante noaturu jaminan sosial kotonaga korja. Eva naria riara bata nukaro daki ri rancanga paratura daerah, pombordayaan ante pirlindungan tanaga karjaa lokal hai.

Riara kantantu nu pondelegasian Raperda hai muni, niuli i Rifani. Ra bila bo pikirika vai. Nasimbayuka dako ri undang-undang lomoro 12, mpae 2011. Naisika ka panggavia paratura daerah.

Nosoro rancanga paratura daerah hai, nitambai i Rifani. Nasimbayu ante pasal 23 sampe 30. Paratura Mantri riara nogeri lomoro 80, mpae 2015. Naisika panggavia produk huku ngata.

Tapi, ane socara umumna. Pamarenta ngata, petevai i Rifani. Nopoiyoka rancanga paratura hai. Ala rajaritai vai ri tempo ri ngayona. Niposabaka, anu hai nikava dako ri hasele reses wakele todea riara ngata. Pade naupu hai rakaviaka perdana.

Naupu norapa nangepe petevai i Wali kota. Acara nisambu vai ante petevai fraksi-fraksi dako ri wakele todea. Naupu hai nanggavia Panitia Khusus (Pansus). Posintomu hai nikakavaka randua pulu bo papitu, dako tatalu pulu bo alima pura-purana anggota DPRD Palu.**

Share on Google Plus

0 komentar:

Post a Comment

close
 LAYANAN PEMASANGAN IKLAN