Tenda Nakura Bo Libo Ponturo ri Balaroa

_

Reporter: Firmansyah

DAKO RI Pangantoaka Kaili Post (17/11/2018) ri libo pongungsi Balaroa geira banuara nambela taba naduyu, dopa  nagana tenda ante libo ponturo. Ayoen Rizky, koordinator shelter PMI Balaroa nangulika. Sampe tempona hie, deana 200 tona madota monturo ri libo hie, dopa ni poiyoka. Niposabaka ledo nagana tenda bo domo ria tana ra pobangu ponturora.

Niuluna muni, nariamo karebana maria vai topo tambai tenda ka todea pongungsi. Tapi dopa nisani tempona makava. Deana kapala koluarga ri libo pongungsi Balaroa nitevaika Ayoen, 317 kk. Ante pura-purana tona 1060 jiwa. Tona dako ri Perumnas 300 deana. Labina hai geira ri Balaroa ante todea ri ngata Palu nageromo banuara.

‘’Patuju kami, pura-purana todea makava merapi monturo ri sue hi, ra ala pura. Berimbamo ledo nagana tenda, bi domo nasuka tana ra pombangu ponturo. Tapi kami notulisi sangara, ponturora ante lomoro hapera. Belekana magana puramo. Pade rapokio ngena, " pangulina.

Nipekutanaka riumba ngena libo pombangu Huntara, ante tana rakaviaka potambai tenda paturo. Ayoen nangulika, pekitanaka ante geira ri kolurahan. Apa geira nanggisanina kambelana. " Pekutanaka ri kolurahan le. Apa ledo urusa kami masala hai, " pangakuna. Samantara hai. Lurah Balaroa, Rahmansyah nipekutanaka urusa hie ri Whats Ap, sampe kareba hie nanau, dopa ria balasina.**

Share on Google Plus

0 komentar:

Post a Comment

close
 LAYANAN PEMASANGAN IKLAN