Tona Nokarja Dopa Nambela Lingu Nompene

Ilustrasi Tsunami

Reporter: Firmansyah

DAKO Posintomu karja ri kantoro Badan Pusat Statistik (BPS) Sulteng, Senin (5/11/2018) ri tempona ngata Kaili dopa nambela lingu, Tsunami bo Likuifaksi, topo karja nompene 29,48 porsen ri mbula Agustus 2018. Daripada ri mpae 2017 naliu. Ato deana 7084 tona. Deana todea nokarjaa ri Sulteng mpae 2017, 1, 374.214. Ri mbula Agustus 2018 nompene najadi 1,451.491.

Todea umurna namalamo nokarjaa ri Sulteng deana 2,161.870. Angkatan korja 1,509.972. Nokarjaa 1,451.495. Ledo nokarja 51,481 tona. Ledo angkatan pokaraja 658,898, eva URT, topo sikola bo ntanina. Nokarjaa natebagi tatalu item, eva nokarjaa sangu eo deana 905,462, santanga eo 293,977 bo ledo natantu pakarjaana 152,052.

Samantara hai, petumbu ekonomi ri mbula Agustus 2018, nompene 6,42 porsen. Dako ri tatalu mbula I sampe III 2017. Pompenena nakajadia ri pura-purana sektor ekonomi. Petumbu nalanga ri mbula Agustus 2018 dako ri sektoro nompasadia listrik bo gas, deana 11,13 porsen, nompakasadia akomodasi ante kandea bo anu raiinu (pordagangan) 9,74 porsen, portambangan bo ponggalian 9,47 porsen.

Sumber petumbu nalanga  ri mpae 2018 nipongaruhi dako ri sektoro portanian, kohutanan bo porikanan 1,48 porsen. Portambanganan ante ponggalian 1,38 porsen. Industri pengolahan 0,99 porsen. Kapala BPS Sulteng, ir. Faisal Anwar ri tempo posintomu nikavia ri bengo kantoro nangulika, data pura hai niala dopa nambela lingu, tsunami bo tana naduyu. Ane porkombangan ri ngayona ngena nitambai i Faisal, natantumo naria pangaruna ka pura-purana sektoro.

Tapi nitevaikana, kana na Optimis. ‘’Pangaruna ka pura-purana sektor naria. Tapi Sulteng kana meangga,’’ niulina.**

Share on Google Plus

0 komentar:

Post a Comment

Titik Eceran Koran Harian Kaili Post Di Kota Palu

Titik Eceran Koran Harian Kaili Post Di Kota Palu
close
 LAYANAN PEMASANGAN IKLAN