 |
| _ |
Reporter: Firmansyah
CARA RI Kauluna ka sura petevai Wali kota, nikaika ka
pura-purana ASN, Karyawan swasta bo todea, ri tempona nobaa menonto mo karjaa,
ante mopakeno mosambaya mojamaah. Ri tanggala 14 November 2018. Salah saito
wakele todea DPRD Palu, Mohamad J Wartabone nangulika, urusa hai nipamulaka
dako pamarenta mboto.
"Lempa partama pamarenta nikaika urusa hai,
nompaka nonto pura-purana urusa ti tempona nokarjaa. Eva norapat ante riara
ponggavera. Ri watuna nariama suara topo baa. Santanina muni hai, nimpakeni
tona hau mosambaya borjamaah, " pangilina eo Kamisi (14/11/2018) ri
ruangana.
Anu hai muni panggava i Wartabone, rapajadika
pompevayo ka todea pura. " Nompaturusi petevai hai, nompamula ri tempona
hie, pamarenta ante wakele todea namalamo manggaviana. Ala sura petevai namala
majala sampe malancara ri ngayona ngena, " petevaikana.
Niulina vai, sura petevai hai nabelo batuana ka
tona. Nompatoraka kajadia lingu, Tsunami bo tana naduyu nambela ri ngata Palu
sambula naliu. " Eva niuli Nabi Muhamad SAW, manggavia anu belo kita ka
Allah. Apa pura-purana boncana dako ri tupu, morupakan inggu bo panggavia kita
mboto, " pangulina.
Nitambaina, moskipun sura petevai hai nalamba.
Batyana nokaulupa kabupaten ntanina ri Sulteng nosuvurakana, panguli i
Wartabone. Ledo ria artina jarita malamba riara mompaka belo kainggua. "
Bala nambela kita pura hie, kambelana potagoro dako ante Allah. Ane ledo kita
manggava bala hie. Ledo madota kita pura mompaka belo karo bo kainggua mboto,
" pangakuna.**
0 komentar:
Post a Comment