DINKES NANGGAVIA 15 POSKO GRATIS 24 JAM

'

Reporter: Firmansyah

Riara tempona transisi, Dinas Kosehatan (Dinkes) Palu, nanggavia sapulu bo alima posko kasehatan gratis sae sambongi riara ngata. Vesia nitevaika Plt. Kapala Dinkes, dr. Husaema. MM, Senin (3/12/2018) ri ruangana.

" Anu hie nikavia tujuna ala modekei polayanan nabelo, ato manggisani bo momparesa masalilisa dua todea ri libo pongungsian. Apa namala ra karja ri posko, ato rakeni ri Puskesmas bo ruma saki. Dinkes mboto muni nanggavia posko ri ngayo kantoro hie, " panguli i Husaema.

Santanina muni niuli i Husaema, Dinkes nanggavia polayanan najala. Ato nompake oto. Hau ri libo pisko kodi, ato aga sakide pongungsina, padondona bo nggoviana. " Tujuna polayanan najala hai, hau manggita geira ledo naturu ri libo pongungsi. Tapi aga nanggavia tenda ri ngayo banuara mboto, " niulina.

Ane ka kareba naria dua nondele, ato kajadia luar biasa (KLB) ri libo ante todea riara ngata naupu lingu, Tsunami bo tana noenju, i Husaema notevaika, ri tempona hie dopa ria kareba vesia hai nakajadia. " Hai muni sala sanguna nikavia posko polayanan. Ala magasi rasani belekana maria dua mendele riara libo pongungsian bo rangata, " nitesana.

Ri ngayona muni panguli i Husaema, ri hunian somontara (Huntara) rakavia ngena Klinik kisehatan ka todea nonturo ri sakuya libo naria riara ngata Palu.

Nisinggu sampe riumbamo urusa posunti vaksin Rubella ka ngana posikola bo ngana kodi rangata Palu, i Husaema nojarita samoe eo hie, program hai najala valu pulu bo ovalu porsenmo. " Sakuya mbula naliu, da najala aga lima pulu sangu porsenmo. Tapi ri tempona hie, najadi ovalu pulu bo ovalu porsenmo, " pangakuna.

Nitambaina, tempo kaupuna progran imunisasi Rubela hai, ri bula Okteber 2018. Tapi muni da rapaka jala vai. Ante cara motevaika bo mompekutana ka todea dopa ni sunti. Geira nakavamo dako ri palaira ri ngata ntanina, niposabaka lingu, Tsunami ante tana noenju, " pangaku i Husaema. ***

Share on Google Plus

0 komentar:

Post a Comment

close
 LAYANAN PEMASANGAN IKLAN