LIBO MANGGAVIA HUNTAP BALAROA DOPA NARIA




'

Reporter: Firmansyah

WAKELE DPRD Palu, Erfandi Suyuti (Reo) notevaika ka pamarenta ngata ala mangelo libo riara manggavia hunian totap (Huntap) ka topo ngungsi dako ri Kolurahan Balaroa. Anu hai niulikana ri tempo Paripurna ante Pemkot. Acara pangadu Pansus ka RAPBD 2019, ante Rapperda porlindungan bo pombirdayaan tanaga karja lokal, minggu naliu.

‘’Dako ri pangadu todea ri Balaroa, ralerapika ala urusa hie najadi perapi dako legislatuif ante pamarenta ngata. Anu hi muni paratika bo karjaa, " perapina. Panguli i Reo, patuju todea ledi nadota ra linja makavao dako riara ngatara. Patujura libo Huntap rakavia ri bavo nu Balaroa, ledo nakavai ri sport center.

Santanina muni niulina, libo nanggavia ruanga posikola nagero nambela tana noenju ka ngana, da nompake tana ntona, nipoinda aga sampae. " Tana nipake nombangu pisikola samantara, tana ntina niindaka aga sampae. Jadi ane namala, raanggarkan danana ri APBD 2019. Ane ledo ra kalingasi, mpae ri ngayona ngena, domo mabelo bo maria libo pobolajar ngana posikola, " panguli i Reo.

Nitambaina, Puskesmas ri Balaroa nahancurumo nambel lingu, raanggarkan muni ri APBD 2019. Mokalingasi kasehatan ka mombine, ngana bo totua, ante nompaka sadia anu pangandera muni kana ratora pura.

Pamarenta muni, niuli i Reo, momparatika povusu nu uve ntasi nageromo ri bivi tasi Palu. Ante cara motana Mangrove, ala domo maduyu tana ri libo hai, ante mompaka kura kakanca nu Tsunami ane makava vai. " Anu hie muni petevai dako ri todea ka pamarenta. Ala ra paratika muni, " pesasana.

Ri kareba Kaili Post sakuya minggu naliu. Ri Shelter ni bangu ri bavo Balaroa, kira-kira limatu meterena. Nosinjoro ante Kina varo Kabupaten Sigi,  naria 317 kk. Ante deana 1060 tona ninturo ri sia hai. Ri libo Shelter hai muni, danariapa ruatu tona  najadi daftar potonggoraka. Niposabaka domo nagana tenda, ante domo nasuka tana ra ponturora.**

Share on Google Plus

0 komentar:

Post a Comment

close
 LAYANAN PEMASANGAN IKLAN