MPAE 2019 PUPR MANGGAVIA KALAVATA TASI PALU

'

Reporter: Firmansyah

RANCANANA, Kimonterian Porumahan Umum bi Pomukiman Rakyat (PUPR) manggavia kalavata ri bivi  tasi ngata Palu. Anu hie nitevaika Plt. Dinas Pokerjaan Umum (PU) ngata, Iskandar Arsyad, eo Salasa (4/12/2018) ri tempona nasoro kagiata ri kantoro Wali kota.

Panggava i Iskandar, ri tempona hie, Komenterian PUPR da nanggavia berimba gambara nu tanggul hai. " Nompakarjani povusu nu uventasi ri bivi ntasi hai, dako ri PUPR mboto. Apa nadea anggara ra pake mompaka belona. Ndatena ngena kira-kira papitu kilo metere labi rakavia. Bo itumo itu rakarja mpae 2019 ri ngayona, " pangulina.

Santanina muni niuli i Iskandar, mompaka belo, mombangu vai bo mopatuvu dala nambela lingu, Tsunami ante tana noenju riara ngata Palu, da samantara ni karjaa. "  Ane dala nabotu nambela boncana alam riara ngata Palu. PU da nokarjanina. Tapi aga nosambu dalana nggo. Dopa mompaka belona. Damo rapaka gaya ri mpae 2019 ngena, " pangakuna.

Ane ka sakuya dala Provinsi bo ngata, petevai i Iskandar, ra karjaa ri mpae 2019. " Eva ri dala poi (Asam). kami dopa nompaka belo. Niposabaka domo nagana tempona, ante alat mokarjaa dala hai nakura, " niulina.

Nitambai i Iskandar muni, nompaka belo dala riara ngata Palu, nikavia ri bongina. Apa AMP topo nggenisi proyek dala da natepou kontrak ante pamarenta. Bo itu mo itu geira pokarjaara dala ri bongina.

" Pamulana, geira dopa nadota mokarjaa dala. Niposabaka da nadea muni bagora nompaka belo ntanina. Ante noraga tempo ri panggaupu mpae. Tapi naupumo niposi jaritai vai. Kaupuna nadotamo, tapi nokarjaa ri bongina, " pocaka i Iskandar.**

Share on Google Plus

0 komentar:

Post a Comment

close
 LAYANAN PEMASANGAN IKLAN