Pobalu-balu ra Bangu ri Kaombona

-

Reporter: Firmansyah Lawawi

RIARA Mompaka belo vai ka tuvua nte molinja topo balu ri bivi talinti Palu, naupu nambela Tsunami sakuya mbula naliu. Rancanana pamarenta kota mombangu ruatu deana pobalu-balu, ri hutan kota Kaombona. Kambelana ri ngayo kampus Unismuh, sinjori Wihara.

Minggu naliu, i Wali kota Hidayat nanguli bantua hai nikavana tempona ia hau nanjayo ri Jakarta. Hasele naupu no loby sakuya lambaga swasta. Eva Bank BRI.

Santanina muni hai, urusa nu poindo mompaka reme topo balu ri Kambona, naria muni mo nikavana dako tona nadota nebantu, riara mompaka belo ngata Palu.

Niulina muni, kios pobalu hai ledo matetutui kamungkina nate tambai vai sampe taluatu deana. " Tujuna nibangu kios pogade hai, ala geira nggauluna nobalu ri bivi tasi Palu, domo ruru mogade ri libo hai. Apa ri tempona hie, dunia da nogoya. Mojagai ledo rasanika belekana ngena makajadia eva nggaulu vai, " pangulina.

Niposabakamo hai, i Wali kota nerapika ka todea, ala nemo mootedeaka rumpu nu banguna ri libo hamai. Ratedeka pura ri libo nariamo nipakasadiaka pamarenta.

"Kutavaika vai ala nemo motedeaka labi nu rump banguna banua rihutan ngata Kaombona. Apa ri libo hai, rabanguka kios kodi rapogadeka todea dako ri bivi ntasi Palu, " petevaikana.

Nitambaina muni, pamarenta da nimpaka belo pura-purana urusa riara ngata. Sala sanguna eva nodaga. Ala poputara ekonomi naupu nambela lingu, Tsunami bo tana noenju sakuya mbula naliu, nabelo vai eva nggauluna.

Nipksabakamo hai, i Wali kota nerapika ka todea, ala morambanga pura riara mompaka belo bo mombangu ngata. " Kamai kita pura-pura morambanga riara mobangu bo mopaka belo vai ngata Palu. Domo kita mangelo sema nasala, ante nosipaka sala. Apa anu hai, ledo nompaka pumpu masala, " perapina.**

Share on Google Plus

0 komentar:

Post a Comment

close
 LAYANAN PEMASANGAN IKLAN