POLISI MOPARATIKA TOPANGANGGA RI PALU

'

Reporter: Firmansyah

NAUPU LINGU, Tsunami ante tana naduyu ri ngata Palu, nadea urusa nesuvu ri tatanga todea. Sala sanguna eva nakajadia topa ngangga. Anu hai muni nasaramo najadimo kareba  ri media bo medsos ri tempona hie. Anggota DPRD Palu, Rusman Ramli ri sala sangu kafe, eo Araba (5/12/2018) nangulika ala polisi mpu-mpu moparatika urusa topa ngangga riara ngata Palu.

"Kutevaika ka polisi, ala modekei kaamana ka todea riara ngata Palu. Ala geira manyama muni riara katuvuara, naupu nambela lingu, sakuya mbula naliu,’’ pangulina.

Panggava i Rusman, polisi muni maria carara mojamin kaamana todea riara ngata Palu. Geira hai naupu notumangi pura nigoso nu lingu. Ledo aga nadea nalipo bo namate sampesuvura, tapi muni nadea domo ria sangu sangayara. Batuana naupu puramo hartara.

Ane rakita, niuli i Rusman, polisi muni nadea namate ri tempona Tsunami bi.tana naduyu. Tapi anu hai ledo namala rapajadika alasa bo urusa riara mompaka jala karjara, riara mojagai kaamana todea riara ngata.

Nadea cara polisi riara mpajagai kaamana ka todea. Eva morambanga ante kantoro ato lambaga ntanina. Hau mo patroli ri lorong bo dala kodi, anu nisanimo nasaro nakajadia topa ngangga ri libo kolurahan ri ngata Palu. "Ri kolurahan ri ngata Palu, nariamo Babinkabtibmas ato Polmas, hai mo hai, geira magasi riara karjaara. Eva motagi ato moraga topa ngangga ri liboro nokarjaa, " petevaikana.**

Share on Google Plus

0 komentar:

Post a Comment

close
 LAYANAN PEMASANGAN IKLAN