.

.

Dekot Notumbo Walikota Masasinta Mobangu Huntap

.

Reporter: Firmansyah Lawawi

RIARA Nompaka kana mobangu Hunian Totap (Huntap) ka todea nambela lingu, Tsunami bo tana noenju, Kotua DPRD Palu, Ishak Cae netombo pamarenta ngata ala manggalivo riara urusa hai.

"Nowakeleka DPRD Palu, yaku netevaika ka Walikota, ala magasimo mompaka sadia nuapa pura urusa riara mobangu hunian totap ka todea riara ngata, nompake valea hak guna bangunan," panguli i Ishak Cae ri ruangana, eo Sine (7/1/2019).

Haja nompaka gasi nanggavia Huntap, panggava i Ishak Cae, ala todea nambela lingu, maondomo rarara.nobanua mboto, omo masesa rarara mompekirika banuara. Paraturana manggava Huntap hai, nasaemo ruampae ntani ruru matuvu ri Hunian Somontara (Huntara)

Batuana mompaka gasi mobangu Huntap, tujuna muni ala mopaka sasinta matoro todea, ante magasi membangu dako kasusa niposabaka boncana alam. Ala ledo maria posisala ante pamarenta bo todea. Nakurana narememo sakide dala ka  pompaka sadia ka urusa hai.

Nikaika natebonto urusa nopaka tantu libo pmbangu nu Huntap, i Ishak Cae nangulika ri ngata nambela boncana alam ri Palu, eva Petobo. Tana rapake manggavia Huntap ledo natantu sema tupuna. Batuana anu hai muni aga majadi posisala todea ante pamarenta. Kaupuna riara urusa tana rapaka bebas manggava dala mabuntu rikauluna ngena.

Santanina muni, nitevaika i Ishak Cae, nasitujumo pura-pura libo rabangu Huntap, nompakke valea Hak Guna Bangunan (HGB) ante Hak Guna Usaha (HGU) ri ngata Palu. Wapre, Komenterian ATR bo BAPPENAS nojajanjimu mocabut izin dako HGB nipake pirusahaan swasta, riara manggenisi tana pamernta hai.

"Ane nariamo nanau sura dako Gubernur Sulteng, nikaika ka nopaka tantu libo pombangu Huntap. Yaku muni netombo ka i Walikota ala magasimo mombangu banua somontara. Eva mosuvuraka Perwali. Panguli muni i Walikota, nariamo deana 3000 Huntap ra bangu. Aga urusa popakatantu libo ra pobanguna dopa natantu," nitevaikana.

Dako ri sura Gubernur Sulteng, nikaika ka popakatantu libo tana ka todea nambela boncana alam lomoro 369/516/DIS-BMPR-G.57/2018 deana 560,93 hektar. Ri Kocamatan Tatanga, Kolurahan Duyu 79,3. Kocamatan Mantikulore, Kolurahan Tondo ante Talise 481,63 hektar. ***

Share on Google Plus

0 komentar:

Post a Comment

close
 LAYANAN PEMASANGAN IKLAN