.

.

Kotak Suara Namala Nantaha 90 Kilo Nantoma Na

.
Reporter: Firmansyah Lawawi

KOMISI Pemilihan Umum (KPU) nojami mo roso kotak suara anu rapake ri potosu mpae 2019 hi. Kandati aga nipovia dako ri karadusu atau karato na kadap uve, kotak suara hai nompakule nantaha anu ntamona 90 kilo.

Ketua KPU Palu Agusalim Wahid nanguli ane kakuata kotak suara hai naupumo ni tes. Tahana naupu mo nireke pakabelo.

“Ane dako ri kakuata na, mompakule mantaha anu ntamona 80-90 kilo ledo ma kome. Ra susu sakuya deana, ledo muni ma kome. Apa biasana kotak hai nisusu ampa sampe alima kota. Ledo ria masala na,” panguli Agusalim, ri Palu, eo Araba (9/1/2019).

Kotak suara potosu 2019 nikavia dako ri karato nantaha uve. Nitasere ane nisuarakamo sura suara, ntamo na maria 10,5 kg. Kotak suara mompakule motumbo anu nantamo, maupa ra susu sampai alima kotak.

Ledo aga hai, baha duplex haitu na kadap uve. Apa bahana nikavia khusus. Ledo eva karadusu biasa eva nitesa nggapuri hi.

"Nopake karton Duplex ka kotak suara, notuntumaka paratura PKPU lomoro 7, mpae 2018. Riumba isina nangulika kotak suara rapake mantaha ante uve bo natekita sabingga ntanina dako ri kotak hai. Batuana maria natekita sala sangu sisina, ala matejita kotak hai naisi sura suara ato ledo, " niuli i Agusalim.

Cara riara urusa kotak suara hai niuli i Agusalim, naupu nirakit pura, nisuaraka sura suara riarana. Pade nipou ante segel naria lambang KPU. Pompou hai nipakatantumo deana. Ledo ria rakava ri libo ntanina. Dopa ra keni ri TPS, atao nakava vai tumai, kotak suara rabungu vai ante plastik.

"Nojaritaka kaamana dako kotak suara hai, ledo aga rakita dako ri bahana. Intina karja sama dako ri topo nggaviana. Eva Bawaslu, tantara bo polisi, ante todea pura. Apa ri tempona hie, todea naragu ante kotak suara hai, " nitevaikana.

Anu hai nasimbayu muni niulika kotua KPU Sulteng, Tanwir Lamaming, pangulina. Bahan karton nipake hai, nantaha natesugeka uve. Batuana ane ledo nete bonggo riara uve. Kotakna dopa magero.

"Riara  notambai kantahana nambela uve, kotak suara rabungu vai ante plastik. " Jadi, sura nu suara rabungu muni pade ra suaraka ri kotak suara. Vasia muni kotak suarang, rabungu vai ante plastik," pangakuna.

Jadi, panguli i Tanwir. Nadea lapisi kaamana nu kotak suara rakeni. Ledoa aga naroso, tapi muni nantaha natesuge uve. Bahana nabelo. Apa natecampuru, ato nompake serat eva lilin nobungu kotakna.**


Share on Google Plus

0 komentar:

Post a Comment

close
 LAYANAN PEMASANGAN IKLAN