Pamarenta Kuwait Mombangu Banua Bo Masigi ri Pasigala

.

Reporter: Firmansyah Lawawi

NAUPUMO Nodekeika  sambako ka alima njobu todea ri Palu, Sigi bo Donggala, Pamarenta Kuwait no haja muni mobantu mombangu banua ante masigi nambela lingu, Tsunami ante tana noenju.

Eo Kamisi (3/12/2018) ri lapanga Vatu Lemo, nowakeleka pamarenta korajaan Kuwait, i Salim Al Humair riara petevaikana niartikan basana nangulika, podekei sambako hai, bontuk dako posampesuvura ante todea ri Sulteng.

"Insya Allah ngena, kami muni monantu tiara mombangu banua bo masigi ka todea riara ngata. Anu nambela bala.Niposabakamo hai, kami motonggoraka data-datana, " pangulina.

Salim muni nangulika salandoa dako ante madika Kuwait bo todea ri nogarana, ka todea ri Sulteng. " Yaku mpawakeleka madika Kuwait Syech Sab'a Al Ahmad Al Jaber ante todea ri nogara mami, netevaika salandoa ka todea ri Sulteng. Khysusna ri Palu. Ala makua ante namala membangu vai, " niulina.

Wakele dako ri pamarenta korajaan Kuwait hai muni, nangulika bantuan hai da mariapa vai radekeika. " Bantuan hie smoga maria manfaatna ka todea pura. Isya Allah damaripa vai ngena radekeika, " pangaku i Salim Al Hameir.

Ri tempona muni hai, Wali kota, Hidayat riara sambutana nangulika songgo mpoasina nalanga ka pamarenta korajaan Kuwait. Riara nobantu todea ri Sulteng.

Niulina, bala nambela ri Sulteng hie, nambaso mpu. Riara sangu eo naria tatalu kajadia. Lingu, Tsunami ante tana noenju.

Ante nariamo bantuan dako pamarenta Kuwait, pemda ri Indonesia ante nogara ntanina, notevaika geira muni nomparasai, nuapa nirasai todea ri Sulteng nambela boncana alam sakuya mbula naliu.

Niposabakamo hai, i Wali kota nerapika ka todea, ala morambanga pura riara mompaka gasi pombanguna naupu nambela boncana alam.

Bantuan patanjobu paket hai, nibagi najadi sakuya kategori. Eva porlongkapan mosambaya, kaparluan ngana kodi bo sambako. Nibagi ruanjobu ka ngata Palu, Kabupaten Sigi ante Donggala deana mboi sanjobu.**

Share on Google Plus

0 komentar:

Post a Comment

close
 LAYANAN PEMASANGAN IKLAN