Postingan Hoax Rasolidiki Polisi

.

Reporter: Firmansyah Lawawi

POLRESTA Palu, momparesa topo posting  hoax ri medsos (face book), eva sura nanguli randua pulu bo aono dala narawan beegal riara Kota Palu. Ante kareba rakavia vai haja Festival Pesona Palu Nomoni (FPPN).

"Nikaika kareba randua pulu bo aono dala na rawan riara ngata Palu, Polesta mboto ledo naperna nobaagina ri fb, " panguli Paur Humas Polresta Palu, Aipda Kadek Arena, eo Senin (31/12/2018) ri haja pres release

Nowakeleka Kapolresta Palu, AKBP Mujiyanto, i Kadek Aruna nangaku naupumo nepokio pura-purana admin ri media sosial. " Riavi kami naupumo nohubungi admin Inkop riara mojaritaka urusa hai. Urusana da raparesa, " pangakuna.

Nikaika kareba rakavia vai haja Festival Pesona Palu Nomoni (FPPN) i Kadek Aruna notevaika, Polresta muni momparesa kasus hai. " Polresta moparesa muni urusa FPPN, kasusna da 87, " niulina.

Ane urusa kasus miras nepatesi deana sapulu aono tona norambanga pura ri ngata Palu baraipia hai, Polresta rancanana manggavia outopsi ri karo tomate nanginuna. Tapi geira muni dopa nopaka tantu tona rasaka ri urusa hai. " Eo Araba ngena, kami moutopsi tomate naupu nanginu miras, Insyaallah ane mariamo ngena haselena, damo raulika vai, " perevai i Kanit Krimum, Reskrim Polresta Palu, Ipda Rislan.

Ri tempona muni hai, porkombangan kasus narkoba ri Palu, nompene dako ri mpae nggapurina. Mpae 2017 aga 56 kajadia, nipakaupu 57 kasus, deana torsangka 201 tona. " Deana nipaka pumpu kasusna sampe 57, nipisabaka urusa dako ri mpae nggauluna nipakaupu ri 2017, " nitevaika i Kadek Aruna.

Ri mpae 2018, natetambai kasusna, deana 97, nipakaupu 75 kasus, tona nisaka 142 tona, labina 22 da samantara nisolidiki.

Kasus kriminalitas ri mpae 2017, deana 4,876, nipakaupu 1,610, deana tona najadi torsangka 558, labina dopa ni nipaka pumpu 3266.

Mpae 2018 nanau 4002 deana, nipakaupu kasusna 2,595, deana tona najadi torsangka 611, dopa nipaka pumpu urusana 1,407.**

Share on Google Plus

0 komentar:

Post a Comment

close
 LAYANAN PEMASANGAN IKLAN