BBM Nalava, Pesavia no Baresi ri SPBU


Reporter: Firmansyah Lawawi

Bensin anu nipobalu ri pertamina natopa niuli BBM ri SPBU nompamula vaimo nalava ri Kota Palu bara sakuya eo mo hi. Sampe eo Salasa ntongoeo (12/2/2019) iriavi, kandate na pesavia no baresi ri SPBU.

Anu hi mamala rakita eva ri SPBU Imam Bonjol, Towua, Kartini, Gusti Ngurah Rai dan Maluku. Kaupuna, topoliu ri nadea na teta ri dala. “Eva eo-eo no antri tona nangali bensin, dako padondo na sampe nanggovia, tapi anu hi nabiasa mo, tapi eo hi, Salasa, eva nadea gaga moo to bo motoro no antre,” panguli sopir nu rental, Aco, Salasa (12/2/2019).

Nitesana, ane sopir noreke-reke mo watu no isi BBM, biasana padondo na tinti sapulu, pade edeona sampe tinti tatalu. “Nandasapa topo motoro, topo isi bensin nanguli naupu mo bensin, baru anu eva nonjumangu ri SPBU ri Palu,” pangulina.

Niulina muni nadea bensin nipobalu ri bivi nudala, alina Rp10.000 per botolo. “Apa naria posiaturura geira nobalu bensin ri bivi nudala ante topo isi bensin ri SPBU, sampe nalancara geira nobalu bensin, domo nisani,” tesana.

Dopa nisani nuapa sabana BBM nalava. Sampe kareba hi nikavia, dopa ria konfirmasi dako ri Pertamina.
"Maaf, yaku da no cuti ante keluargaku,” panguli Pertamina Region Sulteng, Haris, nikonfirmasi ri hapena.**



Share on Google Plus

0 komentar:

Post a Comment

close
 LAYANAN PEMASANGAN IKLAN